معلومة زراعية الفرق بين نقص النيتروجين ونقص الحديد

الفرق بين نقص النيتروجين ونقص الحديد؟كتير من المزارعين بيشوفوا اصفرار في النبات ويقولوا:

لكن الحقيقة إن الاصفرار مش دايمًا سبب واحد….

وممكن تكون المشكلة نقص نيتروجين أو نقص حديد.

والفرق بينهم مهم جدًا عشان العلاج يكون صح.

النيتروجين عنصر أساسي للنمو الخضري وتكوين الأوراق.

الاصفرار بيبدأ في الأوراق القديمة اللي تحت.

الورقة بتصفر بالكامل مش بس بين العروق.

الساق تكون رفيعة والمحصول يقل بسرعة.

في الحالات الشديدة الأوراق تسقط.

لأن النبات لما يقل عنده نيتروجين….

بيسحب العنصر من الأوراق القديمة عشان يغذي النمو الجديد.

إضافة مصدر نيتروجين مناسب (يوريا – نترات – سلفات نشادر).

بس بحساب عشان الزيادة تعمل مشاكل تانية.

الحديد مهم جدًا لتكوين الكلوروفيل (اللون الأخضر).

الاصفرار يظهر في الأوراق الحديثة فوق.

العروق تفضل خضراء لكن المساحات بينها تصفر.

النبات شكله طبيعي لكن اللون باهت جدًا.

في الحالات الشديدة الورقة الجديدة تبقى شبه بيضاء.

لأن الحديد عنصر غير متحرك داخل النبات.

يعني النبات مش قادر ينقله من الأوراق القديمة للجديدة.

رش حديد مخلبى (Fe Chelate) أو إضافة حديد مع تحسين pH التربة.

الفرق السريع اللي يحسم الموضوع:

نقص النيتروجين = اصفرار تحت (الأوراق القديمة).

نقص الحديد = اصفرار فوق (الأوراق الحديثة).

نقص النيتروجين = اصفرار كامل للورقة.

نقص الحديد = اصفرار بين العروق والعروق خضراء.