إبراهيم عمران يعلن وفاة عادل هلال: عاش فى صمت ورحل فى صمت

أعلن الفنان إبراهيم عمران، وفاة الفنان عادل هلال، ونشر بوست عبر حسابه الشخصي بموقع فيس بوك، وكتب قائلاً: " البقاء لله وحده توفى الى رحمة الله الفنان عادل هلال الله يرحمه ويغفر له ويسكنه فسيح جناته، يا رب العالمين من حوالي 20 يوم لقيت نفسي بنته بتتصل بيا وبتقولي بابا بيسلم عليك أوي وباعت لك السلام وهو إلى ادانى رقم تليفونك علشان أنا في الشغل فقلت لازم أوصله الرسالة قلتلها ده باباكي حبيبي وصديقي من سنين وانا اشتغلت معاه في حجات كتير زي فيلم البلدوزر بتاع يوسف منصور وشرين سيف النصر كانت أول مرة تمثل معانا في الفيلم والفيلم كان من إخراج حسام الدين مصطفي الله يرحمه مع احترامي للألقاب طبعاً غير كدا اشتغل كتير في كل أفلام نادية الجندي كلها الله يرحمه كان إنسان محترم وبيحب الناس كلها وكان محبوب من كل الناس وكان بيحب شغله اوي وملتزم في كل اعماله عاش في صمت ورحل في صمت".

وأضاف الفنان إبراهيم عمران في البوست قائلاً: " فأنا موجود في مكان تصوير اليوم بنته قبلتني ولقيت اللي بيقولي إزيك يا استاذ إبراهيم قلتلها أهلا وسهلا بحضرتك قالت لي انت مش عارفني قلتلها مش واخد بالي بحسبها ممثلة او حد اشتغل معايا قبل كدا لقيتها بتقولي أنا بنت الأستاذ عادل هلال بقلها بابا عامل إيه ده وحشني جدا وكنت لسه مكلمه قالت لي، بابا تعيش إنت، قلتلها من إمتى دنا لسه مكلمه وبطمن عليه صدمتني لا حول ولا قوة إلا بالله العلي العظيم الموت علينا حق وإن لله وإنا إليه راجعون فعلاً ربنا يكفينا شر الغفلة وللأسف محدش يعرف حاجه عنه".