في تصعيد جديد للأزمة بين الفنان محمود حجازي وزوجته رنا طارق، خرج حجازي عن صمته برسالة مطولة عبر حسابه الرسمي على" إنستجرام"، كشف خلالها تفاصيل جديدة حول خلافهما، موجّهًا اتهامات مباشرة لها بمحاولة استدرار تعاطف الجمهور على حساب ابنهما.
حجازي: ازاي أم تتدعي المرض لابنها.
وقال حجازي: " فيلم هندي قديم.
قولوا عليا اللي انتوا حابينه مش فارق معايا أكيد ربنا هيعوضني، وعشان أملك أقوى رد بالإثباتات مش من وحي خيال المؤلف بس ساكت عشان راجل وعشان ابني يوسف، وهنا الموضوع راح في مكان تاني.
ابني يوسف ازاي أم بتتدعي مرض لابنها وبتتكلم عليه كده علي القنوات هو ده طبيعي؟ ".
وأضاف حجازي: " الولد لسه لم يتجاوز السنة ونص ولم يشخص بعد، وإني أنا متأكد إنه كويس وزي الفل ازاي تقول عليه كده.
كل ده عشان تكسبي تعاطف الناس، تفتكري حد احترمك؟ تفتكري صعبتي علي حد؟ انت كده كده خسرانه وأولهم ابنك لما يكبر ويشوف ويسمع الكلام ده منك عليه، وسيبك مني أنا.
قولي عليا اللي انت عايزاه وعندك أفلام كتير ممكن تأليفها وأنا موافق وراجل ومستحمل وأقدر أشيل اكتر كمان وده اللي انت مش عارفاه عشان أنا متربي علي طبلية أبويا وتعبت علي نفسي وبحترم نفسي قبل ما احترم الناس، إنما يوسف لا.
لحد هنا ولازم تقفي وتسكتي بقي وتراعي ربنا قبل ما نشوف فيكي عقابه".
وتابع حجازي: " بجد انتِ كده أم؟ هو فيه أم مثبت بالختم علي باسبورها إنها كانت بعيدة عن حضن ابنها ما يعادل 6 شهور في أول عام لابنها في الدنيا وتسيبه وهو عنده 4 شهور عشان تنزل تحضر مهرجانات مع جوزها؟ وبعد كده تسيبه تاني بالأسابيع عشان أفراح بنات صاحبها وبعد كده عشان الساحل ومراسي، انتِ ازاي أم بجد؟ أكيد يوسف فرق معاه الموضوع ده، ولا وجود أب محروم منه ولا أم مش فارق معاها وزعلانه وبتعملي كل ده عشان منع السفر.
وَاتَّقُوا يَوْمًا تُرْجَعُونَ فِيهِ إِلَى اللَّهِ".
وكانت رنا طارق، زوجة الفنان محمود حجازي، نفت مؤخرا صحة الادعاءات المتكررة الصادرة عنه، مؤكدة أن منع السفر يخص ابنها فقط وأنها لم تطلب رفعه، وأوضحت أنها تعيش في مصر منذ 5 أشهر مع ابنها وتتحمّل كامل نفقاته، مشيرة إلى حصولها على حكم نفقة رجعي يثبت عدم إنفاقه على الطفل منذ ولادته.
وأضافت أن وجودها في مصر مرتبط بقضيتين أمام القضاء: الأولى اعتداء من محمود حجازي بالضرب، والثانية قضية طلاق، مشيرة إلى أن الاعتداء جاء بعد مواجهته بعلاقات نسائية متكررة، كما نفت منع أهل زوجها من رؤية الطفل، مؤكدة أن شرطها كان أن تتم الرؤية في أماكن عامة حفاظًا على سلامتها وسلامة ابنها، إلا أن الطلب قوبل بالرفض.
التعليقات (0)
لا توجد تعليقات حتى الآن. كن أول من يعلق!
أضف تعليقك