نجيب ساويرس، قال رجل الأعمال المهندس نجيب ساويرس، إنه لا يعتبر المال مقياسًا للنجاح، رغم وجوده ضمن قائمة أغنياء العالم وفق فوربس، موضحًا: «أنا وسميح وكلنا في البيت تربينا على القناعة وشكر ربنا في أي حاجة».
وأضاف “ساويرس” خلال برنامج “رحلة المليار” الذي تقدمه الإعلامية لميس الحديدي بقناة “النهار”: «محدش في إخواتي سفيه عنده جراج فيه 12 عربية أو 300 واحد يمشوا وراه يشيلوا الشنط ويفتحوا الباب.
ده كلام فارغ»، مشددًا على أهمية البساطة والاعتماد على النفس في حياة الأثرياء الحقيقيين.
التاكسي وسيلة للاتصال بالواقع ورصد أحوال الناس.
وأوضح ساويرس أنه يركب التاكسي أحيانًا ليبقى متصلًا بالواقع: «بركب التاكسي لو السواق مش موجود أو بيصلي أو أنا مستعجل.
وده بيخليني أعرف رأي السواق السياسي وحال البلد، وأعرف بيعيش بفلوس التاكسي ولا لأ».
وأكد أن هذه التجربة تمنحه رؤية واضحة لحياة الناس اليومية، بعيدًا عن رفاهية السيارات الفارهة والخدم.
نجيب ساويرس عن آخر مرة ركبت تاكسي: فلوسي بتجيب حظ!
وعن آخر مرة استقل فيها التاكسي، قال ساويرس: «آخر مرة كانت من سنة، واتكلمت مع السواق واديته مبلغ كبير، في الأول رفض، لكن أنا قلت له: أنا فلوسي بتجيب حظ، مترفضهاش، خليهم معاك ومتصرفهمش وخليهم للزنقة عشان يجيبوا لك حظ».
وأضاف نجيب أن هذا التصرف يعكس فلسفته في الحياة: المال وسيلة، والقناعة والنية الطيبة أهم من التباهي بالثروة.
التعليقات (0)
لا توجد تعليقات حتى الآن. كن أول من يعلق!
أضف تعليقك