غادة عبدالرازق لـ«حبر سري»: «لا أقبل أن يُكتب العمل للنجم.. ولازم نعود للكتابة المخلصة»

أعربت الفنانة غادة عبد الرازق، عن استيائها من الوضع الحالي لصناعة المسلسلات، مؤكدة أن طريقة كتابة الأعمال تغيرت بشكل كبير مقارنة بالزمن الماضي، قائلة: «زمان الكاتب بيكتب مسلسل أو اثنين ويكون مخلصه ويعرضه على النجم أو شركة الإنتاج».

وأضافت غادة عبد الرازق، خلال لقاءها مع الإعلامية أسما إبراهيم، ببرنامج «حبر سري»، عبر قناة «القاهرة والناس»: «وصلنا دلوقتي لمرحلة أن الكاتب لازم يكون عارف مين النجم قبل ما يبدأ كتابة الحلقات، وده كارثة أنا برفضها».

غادة عبد الرازق تنتقد «التطويل» في سيناريو المسلسلات.

وتابعت: «ده بيؤدي لحالة من المط والتطويل، لأننا لازم نصور والمسلسل بيجري عرضه في نفس الوقت، الدور مبقاش ينادي صاحبه زي زمان، الكاتب بيستنى يعرف النجم ويمضي عشان يكتبله الحلقات».

وأوضحت غادة عبدالرازق: «المفروض عندك سنة كاملة تكتب الأعمال وتعرضها، ويكون في تعديلات فقط، مش تكتب عمل كامل للنجم».