كريستيان كاريمبو: فقدت الوعي بسبب تسديدة روبرتو كارلوس

استعاد النجم الفرنسي كريستيان كاريمبو ذكريات التصويبة التاريخية والصاروخية للنجم البرازيلي روبرتو كارلوس أمام فرنسا، مؤكدا أن الأمر يعود لوضع جسم النجم البرازيلي أثناء التسديد على المرمى، كما لو نظرت إلى" فخدته" تشعر بأنه لاعب كمال أجسام، رغم أن" وش رجله" صغير جدا، ومن ثم كل القوة في تسديدات النجم البرازيلي مجمع في جزء صغير، وعندما يركل الكرة تخرج بشكل أشبه بالقنبلة.

وأضاف النجم الفرنسي، في تصريحات عبر راديو أون سبورت أف أم مع الإعلامي محمد المحمودي، " كمية القوة التى يضعها روبرتو كارلوس أثناء التسديد مش طبيعية، رغم أن مقاس قدمه 35 على ما أتذكر، ولك أن تتخيل العضلات دي كلها لما تضرب في الكورة، تبقى عاملة زي الرصاصة، عشان كده بيدغدغ الحيطان البشرية، وحتى تسديداته اللولبية تقدر تشوف فيها سرعة ودوران وقوة مش طبيعية، لأنه قوي جدا، وأنت بتقول إني شفت الجول اللي سجله في فرنسا، لأنا أنا مشوفتوش حاجة أصلا، لأن قبلها ضرب واحدة وأن قولت اصدها برأسي، بس الكورة لبست في وشي وخليتني أفقد الوعي، أه والله وقمت لقيت نفسي في المستشفى وقالولي على فكرة هو جاب جون، أنا شفت الجون في إعادة الماتش وخلص 1-1 على ما أعتقد، وأنا في المستشفي قولته أنت أفقدتني الوعي بسبب التسديدة".

واختتم، " فى التدريب كان بيحاول يجرب فينا واللعيبة كانت بتهرب منه، محدش كان بيرضى يقف في الحيطة كله بيهرب، وهو بيقول متخافوش أنا هحطها في الحتة دي بس، نقوله لا يا عم شكرا".