أبطال الهمم.. مغامرات د. عقل والخارقون الأربعة

لاحظ دكتور عقل أن الأسطى حسين يحاول إنكار ما يفعله بكلاب الحارة من جريمة بشعة، وهى تسميمها وإحداث إعاقات بها.

وعندما تأكد أن الحديث معه لن يجدى نفعًا، قال له: «تمام يا حسين.

يبقى اللى بيتقال عليك ده مش حقيقى.

أنا بعتذر لك»، فرد حسين وهو يتظاهر بالبراءة: «ولا يهمك يا دكتور.

إن بعض الظن إثم برضه».

وعلى الفور، اجتمع دكتور عقل بأطفاله الأربعة: نغم وملك وحكيم ونور، وأخبرهم بما دار بينه وبين الأسطى حسين، وبدأوا يفكرون فى طريقة تجعله يكف عن إيذاء الكلاب.

فألقى حكيم مكعباته على الأرض، لتتكوّن كلمة «كارما»، فقال دكتور عقل فورا: «صح.

صح».

ثم أحضر دكتور عقل، بمشاركة الأطفال الأربعة، بعض المواد، وأعدّ صينية كيكة بالبرتقال، التى يعلم أن الأسطى حسين يحبها.

وتوجه إلى ورشته فى الحارة، وجلس معه قائلا: «أنا حسيت إنى آخر مرة زعلتك منى بسبب إنى اتهمتك بتسميم الكلاب، وقعدت أفكر مع نفسى وقلت إنى غلطان، وإنك استحالة تعمل كده.

أنت جارى بقالك سنين وما شوفتش منك غير كل خير.

عشان كده عملت لك كيكة البرتقال اللى أنت بتحبها، وقلت أصالحك بيها.

يلا اعزمنى على كوباية شاى».

فرد حسين: «حصل خير يا دكتور.

إحنا إخوات وجيران وحبايب دايما.

وأحلى كوباية شاى هعملها لك مخصوص بإيدى».

شعر دكتور عقل بأن جزءا من خطته قد نجح، وعندما أحضر حسين البراد والأكواب وبدأ يصب الشاى، كان دكتور عقل قد قطع الكيكة إلى قطعتين، وأعطى إحداهما للأسطى حسين، الذى أكلها بنهم.

وبعد دقائق، بدأ يتألم ويضع يده على بطنه قائلا: «أنت حطيت لى فى الأكل إيه؟ ».

فقال له دكتور عقل: «حطيت لك حاجة تخليك تحس باللى الكلاب بتحس بيه لما بتأذيهم».

فزع حسين وقال: «إيه؟ !

أنا هبلغ عنك البوليس! ».

فرد عليه دكتور عقل بهدوء: «استنى بس.

مفيش سم، دى مجرد خلطة آمنة خلتك تحس بألم مؤقت، عشان تدرك قد إيه اللى بتعمله فيهم مؤلم وقاسى».

تجمد حسين فى مكانه، وبدأ يدرك الدرس الذى أراد دكتور عقل أن يوصله إليه.