أكد الكاتب الصحفي مجدي الجلاد، أنه لو جاءه عرض لتولي منصب في الدولة لن يقبل، موضحًا: «يعني انتي لو جيتي تقولي لي أنا دلوقتي مثلاً أتقلد منصب تنفيذي في الدولة، أقول لك أنا ما أقدرش، مش بتاعتي، أنا راجل صحفي، لكن أنا مش سياسي».
وأضاف مجدي الجلاد، خلال لقائه مع الإعلامية أسما إبراهيم ببرنامج «حبر سري» على شاشة «القاهرة والناس»: «أنا لم أنضم إلى حزب سياسي ولا في حركة سياسية ولا خدت التدرج السياسي الطبيعي، ربنا ما خلقنيش عشان كده أنا ما أنفعش».
مجدي الجلاد يكشف عن كواليس ترشيحه لمنصب وزير الإعلام.
وكشف مجدي الجلاد لأول مرة عن كواليس ترشيحه لمنصب وزير الإعلام، قائلًا: «في إحدى المرات في تشكيل وزاري ما، جالي تليفون من رئيس الوزراء المكلف في ذاك الوقت كان الدكتور كمال الجنزوري بعد ثورة يناير، قال لي أنا أخدت الموافقة إن احنا نتقابل بكره، إنك انت مرشح وزير إعلام، فممكن نتقابل بكره الساعة 10، وكان يوم جمعة، قلت له اعفيني.
أنا ما بعرفش أكون موظف حكومي».
وأوضح مجدي الجلاد موقفه من الروتين والبيروقراطية: «أنا مش بتاع روتين وبيروقراطية والكلام ده، أنا بتنفس حرية، أنا بحب أشم الأكسجين، ما بحبش حاجة تقيدني، ما بلبسش جرافات كتير إلا في الحاجات الفورمال قوي، ثم إنّي ما بصحاش بدري أساسًا».
وواصل: «أنا ما أنفعش وزير، وده مش عيب، أنا عايز أبقى صحفي، عايز أعيش وأموت صحفي، أنا كنت بحلم طول عمري إني أبقى صحفي».
التعليقات (0)
لا توجد تعليقات حتى الآن. كن أول من يعلق!
أضف تعليقك