كشف الفنان أحمد رمزي لبرنامج هليلة فى 30 ليلة، الذي يقدمه شريف نور الدين، على ميجا إف إم، عن دوره فى مسلسل" فخر الدلتا" الذي يذاع حالياً عبر قنوات المتحدة للخدمات الاعلامية، ضمن الموسم الرمضاني 2026.
وقال رمزي في تصريحاته: " اشتغلت على دوري فى مسلسل" فخر الدلتا" وعملت أنا وكل فريق العمل مجهود كبير، وإن شاء الله نعمل كده دايما عشان نطلع بشكل يعجب الناس"، وأضاف رمزي في تصريحاته: " الحاجة اللى كنت بحاول أبعد عنها هى الكسل، أو إني أعمل حاجة أحس إنى مدتهاش حقها، وبذلنا كل طاقتنا عشان العمل يطلع بشكل يعجب الناس".
وتابع رمزي قائلاً: " الضحك أتغير عن زمان، وبقى ممكن بوست تشوفه على السوشيال ميديا يضحكك أكتر من حد كوميديان، الإفيه النهارده بقى أقصر شوية من الأول، عشان كده الضحك بقى أصعب".
وأضاف: " النجاح مقياسه بالنسبالى الشارع، ولما بعمل محتوى بنزل أشوف ردود الأفعال، وبعد المسلسل نزلت الشارع وردود الأفعال كانت حلوة أوي، والناس اللى متعرفش أسمى كانت بتقولى" يا فخر الدلتا"، دي أول تجربة ليا والحمد لله راضى عنها جدا، وكانت الدنيا جميلة بينى وبين كل نجوم العمل".
وتابع أحمد رمزي في تصريحاته قائلاً: " أتمنى يبقى ليا شغل كتير الفترة الجاية، وأقدر أثبت نفسى وأعمل تاريخ"، واختتم تصريحاته قائلاً: " الشركة المتحدة دعمتنا ولسه بتدعمنا، وحاجة هايلة منهم إنهم فتحوا باب للوجوه الجديدة والمواهب الشابة، وإن شاء الله ده يستمر على طول".
مسلسل فخر الدلتا بطولة أحمد رمزى، كمال أبو رية، انتصار، أحمد عصام السيد، خالد زكى، تارا عبود، نبيل عيسى، على السبع، حنان سليمان، أحمد صيام، حجاج عبد العظيم، يوسف الفن، حنان يوسف، وليد عبد الغنى، أحمد البخارى، أحمد هشام، وغيرهم من الفنانين، ومن إنتاج مصطفى العوضي، والعمل قصة عبد الرحمن جاويش وتأليف حسن علي، ومن إخراج هادى بسيونى.
كل ما يخص مسلسلات رمضان 2026.
اضغط هنا للدخول إلى بوابة دراما رمضان 2026.
التعليقات (0)
لا توجد تعليقات حتى الآن. كن أول من يعلق!
أضف تعليقك