زجل سلامُ الله يُطَهِّر القُلوب – بقلم أسماء طنوس المكر

________________________________.

ياللّي بيريـد السّـلام ---- بيلاقيـهِ بالإيمـان.

أطلُب من ربِّ الأنام ---- يِملا قلبَك ياإنسان.

لَمّا بيٌدخل جُوّاالقلب ---- بيخَلّيه إنسان ثاني.

لِأنُّه جايِ منِ الرب ---- راح يِملاهُ بِثواني.

بيُسكن بقلبك الحُب ---- بيكون حُبَّك مِثالي.

مِنكَ بيِطلع الغضب---- بِتبقى لطيف وحنّان.

لا سلام مْنٍ البشـر ---- ما بيِقدر حَدا يْلاقيه.

واللّي قلبُه من حجر---- ما بِتكون الرحمِه فيه.

لَوْ كان عقلك بيفكَّر ---- إنَّـك قادر تَتِعـطيـه.

لا يُمكن قلب انكسر---- يلاقي عندَك الأمان.

التَّغييرمْنِ الداخل---- بيبقى عندك قلب جديد.

وِالسلام اللّي حامل---- راح يسامح بِالتَّأكيد.

إلهك هُوَ العـامـل ---- خالق بقلبـك تجـديـد.

بتقول هذا الحاصل ---- أجاني منِ الرحمان.