احنا هنخيب ولا إيه؟.. فريدة سيف النصر تهاجم مسلسلي ياسمين عبد العزيز والكدواني

هاجمت الفنانة القديرة فريدة سيف النصر مسلسلي “وننسى اللي كان” و “كان ياما كان”، معتبرة أنها يتناولان قضايا تخالف عادات وتقاليد المجتمع المصري، وتتضمن نماذج وسلوكيات خاطئة تفتح الباب أمام الشباب المصري لتقليدها اقتداءً بالفنانين القائمين على هذه الأعمال الفنية.

وأعربت “فريدة” عبر منشور عبر صفحتها على موقع التواصل الاجتماعي “فيسبوك”، عن استيائها من السلوكيات التي يقدمها المسلسلان، مؤكدة على ضرروة أن يراعي العمل الفني القيم والأصوال الاجتماعية في الموضوعات التي يطرحها.

فكتبت الفنانة القديرة في منشورها: “لا حول ولا قوة إلا بالله.

مش عايزه اتكلم بس ماقدرتش.

يا جماعه ماينفعش اجيب مثلًا أمن أو سواق مع بنتي يحافظ عليها والاقي الأمن داخل غراميات مع اللي بيحرسها.

وبنتها عند ابوها وسواقها بيزعق لها وغيران.

يعني بتفهموا اللي بيشتغلوا يعملوا إيه بالظبط”.

وتابعت: “آه كلنا ولاد تسعة بس كده غلط احنا بنفتح عينين على حاجات تودي في داهية.

نمشي الناس اللي جايبينهم ونجيب ستات ولا نهبب إيه؟ ده كلام؟ ! ”.

واستطردت تعليقًا على دور ابنة “جليلة” الذي تلعبه الفنانة الشابة لينا صوفيا: “والمفروض البنت تصارح أهلها وماتسمحلوش يكلمها كده.

وهو المفروض جاي يبلغ أبوها بأي حاجة.

احنا هانخيب ولا إيه؟ ”.

واستكملت: “طبعا الكلام ده تمثيل في مسلسل أنا شخصيًا بحبه وبحب نجمته جدًا ومؤلفه وكلهم.

بس برضه مش كده احنا مش أجانب، وأنا كأم ولي حفيدتين ماينفعش يلاقوا ده عادي علاقات وصداقه مع جارد أو سائق وغيره وحب.

وإيه الكلام الفاضي ده.

واللي عندنا بيقلدوا هوا الوحش قبل الكويس.

ربنا يستر علي ولادنا والله ونرجع نلوم على السواقين.

ياريت ماحدش يزعل من صراحتي.

وأنا مش عنصرية لكن مش لازم ننسى أن في أصول”.

كما هاجمت تقديم فكرة “المساكنة في مسلسل “كان ياما كان” بطولة الفنان ماجد الكدواني والفنانة يسرا اللوزي، فقالت: “كمان فكرة المساكنة عند الكدواني قومتني من على الكنبه قفزاااا والله”.