حصلت" اليوم السابع" على نسخة من أوراق التحقيقات فى قضية المعروفة بوفاة" أحمد الدجوي" حفيد الدكتورة نوال الدجوى بعد صراع على الميراث مع ابنتي عمته، والتي كشفت عن مفاجآت كثيرة حيث أدلى سيد أبو بكر يوسف، 43 عامًا، سائق المرحوم أحمد الدجوي، بأقوال تفصيلية أمام النيابة العامة في واقعة «انتحار أحمد الدجوي».
وقال السائق إن ياسر صالح، محامي المتوفى، كان متواجدًا وقت الواقعة، وصعد إلى مكان الحادث داخل غرفة «الدريسينج روم»، مضيفًا: «كنت متواجدًا بين غرفة الدريسينج روم والحمام، لأنني نقلت الجثمان كما ذكرت من قبل، وشاهدت المحامي يأخذ هواتف المرحوم أحمد الدجوي ويضعها داخل حقيبته».
وتابع: «عندما لاحظ أنني رأيته، قال لي: (مجبش سيرة لحد)، ثم غادر الغرفة، ولا أعلم إلى أين ذهب، قبل أن أراه مرة أخرى داخل الفيلا بعد فترة».
وإلى نص التحقيقات:ج: أسمي سيد أبو بكر يوسف، 43 سنة، اعمل سائقس: ما قولك فيما تبين للنيابة العامة من تفريغ محتوى وحدة تخزين آلالات المراقبة والخاص بالعقار محل الواقعة من حضور شخص لمحل الواقعة عقب حدوثها مباشرة مرتديا بدلة رسمية رمادية اللون حاملا لحقيبة يد سوداء اللون ومكث بمحل الواقعة إلا أنه وعقب برهة قصيرة غادر محل الواقعة" اطلعناه على ذلك المقطع المرئي"؟ج: اللى ظاهر فى الفيديو دا المحامى اللى أسمه / ياسر صالحس: ومن هو المدعو ياسر صالح سالف الذكر، وما هى كافة بياناته تحديدا؟ج: استاذ ياسر دا المحامى بتاع المرحوم احمد الدجوى الله يرحمه ومعرفش بقيت بياناته هو بس ساكن فى بالم هيلز برضه.
س: وما هى صلتلك وعلاقتك بالمدعو سالف الذكر تحديدا؟ج: مفيش أى صلة بينى وبينه غير انه المحامى بتاع أحمد الدجوى الله يرحمه.
س: وما مدى مداومة تردد المدعو سالف الذكر على محل الواقعة قبيل الحادث تحديدا؟ج: هو كان بيجيله كتير بحكم أنه المحامى بتاعه وصاحبه وكمان مراته صاحبة مدام نسرين مرات المرحوم.
س: ومتى تحديدا حضر المدعو ياسر صالح لمحل الواقعة آنذاك؟ج: هو جيه الفيلا يوم 25 /5/ 2025 على حوالى الساعة 3: 05 مساءا تقريبا.
س: وما هو سبب حضوره لمحل الواقعة بذلك الواقعة بذلك الوقت تحديدا؟ج: اللى أعرفه ان الدكتور احمد الدجوى كان عامل اجتماع بينه وبين المحامين بتوعه اللى هما ياسر صالح وإيهاب عاصم وعشان كدا ياسر جه الفيلا.
س: وما هو التصرف الذى بدر من المدعو ياسر صالح حال وصوله لمحل الواقعة آنذاك؟ج: هو أول ما وصل كنا عرفنا حاله الوفاة والدنيا كانت مقلوبة وطالبين الأسعاف وعرف ساعتها ياسر إن الدكتور اتوفى راح واخد بعضه وطلع على فوق مكان الحادث فى أوضة الدرسينج روم وانا كنت واقف بين الدرسينج روم والحمام علشان كنت نقلت الجثمان زي ما قولت قبل كدا، وشوفت أ/ ياسر خد الموبيلات بتاعت المرحوم أحمد الدجوى وحطها فى شنطته ولما لاقنى شوفته راح قايلى مجبش سيرة لحد وراح واخد بعضه ونزل من الاوضة ومعرفش بعد كدا راح فين وشوية وشوفته فى الفيلا تانى.
س: وأين كانت الهواتف المحمولة آنفة البيان آنذاك؟ج: كانت على الطرابيزة الخشب اللى على شمال اللى داخل أوضة الدريسنجس: وكم عدد الهواتف المحمولة الى كانت متواجدة آنذاك؟س: خاصة من هذان الهاتفان تحديدا؟ج: هما بتوع الدكتور احمد الله يرحمه.
س: صف لنا ماهية انواع واوصاف الهواتف المحمولة الخاصة بالمتوفى غلى رحمة مولاه انفة البيان؟ج: هما تليفونين اللى انا شفت ا/ ياسر خدهم تليفون المرحوم الايفون 14 اللى بيكون مع المرحوم على طول، وكمان التليفون سامسونج بس معرفش االوانه ايه بصراحة علشان بيكون عليهم كفرات.
س: وما الذى دفع المدعو ياسر صالح إلى الاستيلاء على لاهواتف المحمولة الخاصة بالمتوفى الى رحمه مولاه انذاك؟ج: معرفش هو خد الموبيلات ليه.
س: من تحديدا كان متواجد بالغرفة محل الواقعة آنذاك؟ج: هو مفيش حد غيري انا وا/ ياسر صالح، وا/ ايهاب عاصم زي ما قلت لحضرتك.
س: ومن تحديدا الذى ابصر المدعو ياسر صالح حال استيلائه على الهواتف المحمولة الخاصة بالمتوفى الى رحمة مولا؟ج: اللى شاف أ/ ياسر وهو بياخد الموبيلات دي أنا وا/ ايهاب عاصم.
س: وما هو التصرف الذى بدر من المدعو ايهاب عاصم انذاك؟ج: هو معملش حاجة ومكلمش معاه ومعترضتش على اللى حصل ان ا/ ياسر خد الموبيلات.
س: وهل ابصرت المدعوة نسرين سعيد محمد عبد المنعم" زوجة المرحوم" حال استيلائه على الهواتف انفة البيان؟ج: علشان هى كانت منهارة ان جوزها انتحر ومات.
س: وهل قمت بالاستفسار حول التصرف الذى بدر من المدعو ياسر صالح بإستيلاءه على الهواتف المحمولة خاصة المتوفى آنذاك؟ج: هو لما شافنى شفته وهو بياخد الموبايلات بتاعة المرحوم بصلى وقالى مجبتش سيرة لحد.
س: وما الذى قررته له آنذاك؟ج: أنا قلتله ماشي وشاورتله براسى إن أنا موافق بس انا قلت دلوقتى علشان ارضى ضميرى.
س: وما تعليلك فما شهدت سلفا بتحقيقات النيابة حال سؤالك من عدم ذكرك لتلك الواقعة تحديدا" تلونا عليه اقواله"؟ج: انا يا باشا غلبان وعلى الله ا/ياسر قالى متجبش سيرة لحد لما شافنى انى شوفته خد الموبيلا وانا بخاف على لقمة عيشي ففعلا مجبتش سيرة عن الموضوع دا.
س: سبق وشهدت بمغادرة المدعو ياسر صالح لمحل الواقعة عقب استيلائه على هواتف المتوفى إلى رحمة مولاه؟ج: ايوة أنا شوفته نزل الدور اللى تحت وانا فضلت مع الجثة ومدام نسرين.
س: اذن إلى اين كانت وجهة المدعو ياسر صالح انذاك؟س: وهل عاود المدعو سالف الذكر مرة اخرى لمحل الواقعة؟س: متى تحديدا عاود سالف الذكر لمحل الواقعة اذن؟ج: انا شفته اتنى فى الفيلا بعد ما مشي ونزل الدور اللى تحت بحوالى نص ساعة.
س: وهل كانت بحوزة سالف الذكر هواتف المتوفى إلى رحمة مولاه والتى سبق وأن إستولى عليها كما شهدت سلفا بالتحقيقات؟ج: أنا مشوفتهاش معاه من ساعة ما خدها وحطها فى شنطته معرفش كانت معاه لما جه تانى ولا لاء.
س: وما هى مواصفات تلك الحقيبة انفة البيان والخاصة بالمدعو ياسر صالح تحديدا؟ج: هو شنطة سوداء صغيرة بحزام اسود طويل بيتعلق على الكتف وهو كان معلقها على كتفه ساعة ما حط فيها الموبيلات بتاعات المرحوم.
س: وهل تلك الحقيبة انفة البيان هى ذاتها الحقيبة الظاهرة بحوزة المدعو/ ياسر صالح بالمقطع المرئى سالف العرض عليك؟ج: ايوة، الشنطة اللى كان لبسها ا/ياسر فى الفيديو دي هى هى اللى حط فيها الموبيلات بتاعت المرحوم ساعتها.
س: وهل اخبرت ثمة شخص من اهلية المتوفى إلى رحمة الله مولاه او غيرهم بما ابصرته انذاك؟ج: انا قلت انا مليش دعوة علشان انا خايف على لقمة عيشي وفعلا مجبتش سيرة عن الموضوع دا لحد.
التعليقات (0)
لا توجد تعليقات حتى الآن. كن أول من يعلق!
أضف تعليقك