أجرى تليفزيون اليوم السابع مداخلة هاتفية مع النجمة سماح أنور بالتزامن مع عيد ميلادها، حيث تتواجد حاليا فى فعاليات مهرجان أسوان الدولى لسينما المرأة، وقالت في تصريحاتها مع الكاتب الصحفى عمرو صحصاح مدير تحرير اليوم السابع: " أول مرة أحضر مهرجان أسوان، وتواجدى لكونى رئيس لجنة التحكيم لأفلام الاتحاد الأوروبى التي تقدر بـ 30 ألف يورو ودى الجايزة المالية الوحيدة في المهرجان.
ومعايا في اللجنة الأساتذة الكبار باسم سمرة وأورى جودة وعضو من أسبانيا وناقد تونسى وإن شاء الله نوصل للشئ الكويس بإذن الله".
وعن تجربة المشاركة والتواجد في المهرجان، خاصة وأنها للمرة الأولى قالت سماح أنور: " بالعكس أنا سعيدة جدا بالمهرجان نفسه لإنه مهتم بقضايا المرأة جدا على المستوى المصرى والعربى والدولى، ووجود الاتحاد الأوروبى مخلى فيه توليفة متميزة من الأفلام ومخلى فيه دعم كمان ليها.
بالإضافة إلى أن المهرجان نفسه عامل مجهود ضخم جدا مش بس بيعرض أفلام وعامل جوايز بشكل مُحكم بس، لكن كان عامل ورش من شباب أسوان بنات وولاد بيعملوا أفلام قصيرة وطويلة، والسنة دى عاملين 92 فيلم فدى حاجة الحقيقة فخورة وفرحانة بيها.
وبشوف إن دور المهرجانات كدة تلاقى الثقافات والناس ومساعدة الناس الجدد وإزاى نقدر نطور الصناعة وكدة".
سماح أنور: لما أمى كانت تهنينى بعيد ميلادى أقولها ومين قالك إنه عيدأجرى تليفزيون اليوم السابع مداخلة هاتفية مع النجمة سماح أنور تزامنا مع الاحتفال بعيد ميلادها، حيث أوضحت أنها من الفنانات اللاتى لا تميلن للاحتفال بهذا اليوم على الإطلاق.
وقالت النجمة سماح أنور فى تصريحاتها لتليفزيون اليوم السابع مع الكاتب الصحفى عمرو صحصاح رئيس قطاع الفن: " كان دايما لما أمى تهنينى بعيد ميلادى أضحك وأقولها ومين قالك إنه عيد أصلا".
وأضافت أنور فى تصريحاتها لتليفزيون اليوم السابع قائلة: " مسألة السن، لا تمثل لى أى قلق، لكنى بحب الهدوء.
يعنى الواحد يوم عيد ميلاده ده فرصة إن يقعد مع نفسه ويشوف نفسه هو بقى أحسن فى إيه، وأوحش فى إيه.
أنا من الناس دى ما بحبش الدوشة أوى".
وتابعت فى تصريحاتها قائلة: " أنا دائما بحب أقعد مع نفسى.
الصخب والدوشة ما بحبهمش، خاصة فى الوقت اللى إحنا فيه الناس انشغلت بحاجات تانية أكثر أهمية.
أنا بتكلم عن نفسى يعنى.
وفى نفس الوقت أنا كصاحبة عيد ميلاد ما بكونش عايزة احتفل، وفيه ناس كتيرة مثلى".
التعليقات (0)
لا توجد تعليقات حتى الآن. كن أول من يعلق!
أضف تعليقك