التهراوي ينفي الخلاف مع المصحات الخاصة: هدفنا مساواة الجودة بين القطاعين العام والخاص

نفى وزير الصحة والحماية الاجتماعية، أمين التهراوي، وجود أي خلاف بينه وبين المصحات الخاصة، موضحا أن الهدف الأسمى لورش إصلاح القطاع الصحي هي أن يتساوى القطاع الخاص والعام من حيت جودة الخدمات.

وقال التهراوي، خلال استضافته في برنامج “بون لغة خشب”، اليوم الجمعة (24 أبريل)، على إذاعة “ميد راديو”، “أنا ما عندي مشكل مع حتى شي حد، شخصيا ما عندي مشكل مع حتى شي حد، كاين قانون خصو يطبق، هذا يعني أن مسؤول سياسي، مسؤول رجل في الحكومة كيقول باللي خاص القانون يطبق، هاد الشي اللي كاين”.

وأضاف الوزير: “عندنا الهيئة العليا للصحة غتبدا تخدم، ورا حتى هي غتبدا تدير مراقبه، وملي غدير المراقبة را داك الشي كلشي غيولي يتراقب يعني اللي خرج على القانون غيتحاكم”.

وأوضح التهراوي أن “القطاع الخاص كيلعب واحد الدور اللي هو مهم، وخاص يكون عندنا القطاع الخاص، بعض الأحيان كتكون ابتكارات في الصحة اللي جاي بها القطاع، خاص اللي يقدر يستثمر ويجيب شي حاجه اللي ما عندناش ماغنديروهاش هذا مهم جدا، وكاين أمراض اللي تقدر تعالج في القطاع الخاص”.

وتابع قائلا: “يعني كاين بزاف د الحوايج اللي نقدروا نقولوا ان القطاع الخاص يقدر يلعب فيها دور، ولكن خصنا نلقاو واحد التوازن أولا في القطاعين، ونقدر نقول كاع خاصنا نوصلوا لواحد المرحله أنه خاص يكون التعامل ما بين القطاعين، يعني اللي ماقادش على القطاع العام خاص يتعامل مع القطاع الخاص باش يعاونو”.

واعتبر الوزير ان ما يمكن ان يمنع من “تحويل القطاع الصحي الخاص إلى تجارة والتعامل مع المريض كزبون، “هو إعادة التأهيل ديال القطاع العام، هو هاد الخدمة اللي كنديرو دابا، هي الخدمه اللي كندير دابا، أنا ملي كنمشي مثلا للفقيه بن صالح وكنجيب واحد المستشفى كان معطل بزاف وخرجناه وكيشتغل دابا اللي هو مستشفى جديد وفيه الموارد البشريه فيه التجهيزات اش كنقول للمواطنين تماك في المنطقة؟ ، كنقول لهم سيروا لهذاك المستشفى راه مزيان فيه الاستقبال فيه التغطية فيه الأطباء فيه التجهيزات، ما تحتاجوش أنكم تمشيوا للقطاع الخاص.

واسترسل الوزير: “اللي بغي يمشي للقطاع الخاص هو حر أنه يمشي للقطاع الخاص، وما نساوش أن الحماية الاجتماعية راه كتطبق فالقطاعين بجوج، يعني فكل قطاع، ولكن انا كنقول لهم راه عندكم واحد المستشفى اللي هي ما عندها مناش تحشم من القطاع الخاص، عندك نفس المستوى عندك نفس التغطية، الخدمة اللي خصنا نديرو هادي هي الخدمة اللي كنديرو دابا”.