علق السيناريست أيمن بهجت قمر حقيقة ماتردد بشان زواجه، عبر حسابه على فيس بوك: الفيديو ده لما نزل حصل لى شوية لخبطة، وأنا وقتها ماعلقتش عليه ومعنديش أى مشكلة معاه بس لقيت ناس كتير بعده بتقول إنى متجوز.
وأضاف: فى حقيقة الأمر أنا ما اتجوزتش لسه بعد انفصالى عن أم أولادى، وفكرة الجواز، والاختيار بالنسبة لى مش سهلة أوى كدة، لإن الست اللى هتجوزها هى اللى المفروض أكمل معاها اللى باقى من عمرى، ودى الست اللى هتورثنى، وتدخل مع ولادى فى إعلام الوراثة، واللى هيتقال عليها لحد آخر يوم فى عمرها حتى لو أنا مش موجود إنها كانت مرات فلان الفلانى، ودى لازم تبقى واحدة أنا حاسس فعلا إنها الست بتاعتى، وأبقى شايفها فى عينى ست الستات كلهم، ودى لحد دلوقتى مش موجودة فى حياتى، وأكيد لما تظهر هقول على طول.
فأنا بس حبيت أوضح.
التعليقات (0)
لا توجد تعليقات حتى الآن. كن أول من يعلق!
أضف تعليقك