تذكرت الإعلامية لمياء فهمي عبدالحميد كواليس غناء أمير الغناء العربي هاني شاكر لتتر برنامجها وبكرة أحلي.
وكتبت لمياء فهمي عبدالحميد عبر حسابها الرسمي بموقع التواصل الاجتماعي فيسبوك قائلة: كان أول لقاء ليا مع النجم هاني شاكر، كنت بعمل تتر برنامجي وبكره أحلى مع صديقي الغالي عشرة العمر الموسيقار محمد ضياء الدين، والشاعر الراحل ناصر الجيل.
وأضافت لمياء فهمي عبدالحميد قائلة: لاقيت محمد بيقولي نجيب مين يغني؟ !، فضلنا نفكر لحد ما في يوم لاقته بيكلمني وبيقولي عارفة مين هيغني التتر بتاعك؟ قولتله مين؟ قالي النجم هاني شاكر افتكرته بيهزر معايا، قالي والله جاي بكره يسجل صوت، ماكنتش مصدقة نفسي المفاجأه كانت إنه مارديش يأخذ أي أجر ولا أي حد منهم خد أجر.
واختتمت منشورها قائلة: قابلته وإحنا بنسجل بقوله معقول قالي عنيا ليكي يا لميا، قد إيه جميل ومحترم والابتسامة مش بتفارق وشه رغم إنه ممكن يكون جواه ألف ألم، وكأنه موجود عشان يسعد كل اللي حواليه، كلمات التتر سبحان الله رسالة عظيمة ربنا يرحم فنانا العظيم طيب القلب والأخلاق.
التعليقات (0)
لا توجد تعليقات حتى الآن. كن أول من يعلق!
أضف تعليقك