عمرو الليثي في «إنسان تاني»: لا تحكم على حياة الناس من لقطة واحدة

أكد الإعلامي الدكتور عمرو الليثي، خلال حلقة جديدة من برنامج «إنسان تاني»، أن كثيرًا من الناس يحكمون على الآخرين من الصورة الظاهرة فقط، دون معرفة ما يخفونه من آلام وتحديات.

وقال الليثي: «ما تحسدوش حد على الراحة اللي باينة قدامكم، لأن اللي بتشوفوه هو نص الحكاية، أما النص التاني فموجود جوه صاحبه».

وأضاف: «اللي بيضحك قدامكم ممكن يكون بيهرب من وجع كبير جواه، واللي شايفينه هادي يمكن عايش حربًا داخلية لا يسمع صوتها أحد.

مشكلتنا إننا بنقيس حياة الناس بلقطة، بصورة على السوشيال ميديا أو بكلمتين في جلسة، وبننسى إن فيه تفاصيل كثيرة عمرها ما بتتحكي».

واختتم رسالته قائلًا: «بدل ما تبص لنعمة غيرك وتتمنى تكون مكانه، اسأل نفسك: هل تقدر تشيل شيلته؟ ساعتها هتفهم إن ربنا ما بيديش حد كل حاجة، وإن العدل الحقيقي إن كل إنسان بياخد اللي يناسب رحلته في الحياة».

وتأتي هذه الحلقة ضمن سلسلة الحلقات الإنسانية التي يقدمها برنامج «إنسان تاني»، والتي يحرص من خلالها عمرو الليثي على تقديم رسائل اجتماعية وإنسانية تعزز قيم الامتنان والتقدير، وتسلط الضوء على الجوانب الخفية في حياة الناس وتجاربهم المختلفة.