ردّ المطرب أحمد سعد، على الجدل والانتقادات التي طالت إطلالاته خلال الساعات الماضية، بعد ظهوره بـ«ضفيرة شعر» و«توكة ذقن» في عدد من المناسبات الفنية.
عارف إن لوكاتي الناس بتتكلم عنهاوقال أحمد سعد خلال لقائه ببرنامج «عرب وود»: «لوكاتي أنا عارف إن الناس بتتكلم عنها وإنها بتثير الجدل، والناس بتتكلم على أي حاجة حلوة، ولما بتشوف صورة حلوة مهندمة ولو بيحطوا عليها لايك كنت لبست طول عمري كده».
وأضاف: «بقيت زي الطيار لما بيلبس بدلة طيار.
ده لبس الشغل بتاعي، وأنا مش بلبس كده مع ولادي، ولما بكون خارج معاهم بلبس لبس محترم وبكون شخص مهندم، وببقى شخصية تانية غير كده تمامًا».
وتابع: «لو لبست بدلة وبيبيونة هيشوفوني في الصورة وهيتفرجوا عليها ومش هيتكلموا عني، والناس لو مبتحبش كده أكيد مش هعمل كده».
وأوضح: «هم مش بيتكلموا ولا بيهتموا إلا بالحاجات الغريبة، وده بقى جزء من شغلي، ولما عملت حاجات طبيعية ولبست عادي مكنش ليا وجود أصلًا في الحياة».
وكان أحمد سعد قد أثار الجدل مؤخرًا بإطلالات غير تقليدية، من بينها وضع «خرز» وإكسسوارات معدنية داخل لحيته، وهو ما أثار تفاعلًا واسعًا عبر مواقع التواصل الاجتماعي.
كما طرح أحمد سعد مؤخرًا ألبومه الغنائي الجديد «الألبوم الفرفوش»، والذي يضم 5 أغنيات، من بينها «جوزها» و«خبر عاجل».
التعليقات (0)
لا توجد تعليقات حتى الآن. كن أول من يعلق!
أضف تعليقك