ليبقى كل في مكانِهِ يا خلي القلب

ليبقى كُلٌّ في مكانِهِ يا خَلِّي القلبفي يوم من الأيام كنت فاكرة إن الدنيا بسيطة…وإن الحب لما يدخل القلب يغير كل حاجة للأحسن.

“يالا يا قلبي… يا أسعد قلب…ونفسر كل الأحلام على إنها بشاير خير…كنت فاكرة إن الضحكة هتفضل ضحكة…وإن الإيد اللي اتمسكت بحب عمرها ما هتسيب…وإن الوعود اللي اتقالت تحت نور القمر مش ممكن يجي يوم وتتنسى.

كنا بنرسم بكرة كأنه ملكنا…نبني بيوت من الكلام الحلو…لكن محدش قال لنا إن بعض الأحلام بتتولد علشان تتكسر…وإن بعض الناس بتيجي حياتنا علشان تعلمنا الوجع أكتر ما تعلمنا الحب.

لقيت الأغاني اللي كانت بتفرحني بقت بتوجعني.

والأماكن اللي كانت شاهدة على الضحك بقت مليانة صمت.

والكلام اللي كان بيدفي القلب بقى مجرد ذكرى تقيلة على الروح.

أصعب حاجة مش إن الحب يخلص…أصعب حاجة إنك تكتشف إنك كنت بتحارب لوحدك.

إنك كنت شايل العلاقة فوق كتفك…وفي الآخر تلاقي نفسك واقف قدام خيبة كبيرة.

خيبة إن الشخص اللي كنت فاكره وطن…وإن الأمان اللي كنت حاسه…كان وهم جميل بس عمره ما كان حقيقة.

الخذلان بيكسر صورة كاملة جواك.

بيخليك تشك في كل كلمة حلوة سمعتها…ساعات بنفتكر إننا زعلانين على شخص…لكن الحقيقة إننا زعلانين على نفسنا.

على العمر اللي اتحط في المكان الغلط.

على الأحلام اللي اتبنت فوق أرض مهزوزة.

وبعد ما كان بيجري ناحية الحلم…إنك تفضل فاكر تفاصيل حد نسيك بسهولة.

وهو نقلك من حياته كأنك ماكنتش فيها يوم.

مبقاش عندي طلبات كتير من الدنيا.

والحب مع اللي يعرف قيمة الحب…والوفاء مع اللي يستحق الوفاء…وإن خسارته لأي حد ما تنقصش من قيمته.

لكنها أرحم بكتير من حياة كاملة مع شخص لا يعرف معنى الحب.