كشف الكاتب الصحفي والإعلامي مجدي الجلاد، رئيس تحرير مؤسسة" أونا" للصحافة والإعلام التي تضم مواقع (مصراوي، يلا كورة، الكونستلو، شيفت)، خلال حواره مع الإعلامية نبيلة البدوي في برنامج" خارج النص"، تفاصيل العروض التي تلقاها من بعض الأحزاب السياسية، التي تضمنت مناصب قيادية ومقترحات للانضمام إلى القوائم الانتخابية، مؤكدًا أنه رفض جميع هذه العروض بشكل قاطع.
وقال" الجلاد": " واحد.
حزب الشعب الجمهوري وهو بيتأسس: " تعالى هتبقى نائب رئيس الحزب وهتدخل القايمة وهتدخل البرلمان والكلام ده"، قلت لهم: أنا لما أكون عضو في البرلمان إزاي هبقى صحفي أنتقد؟ ، ثانيًا حزب الجبهة الوطنية، يوم ما قعدت معاهم وقلت لهم أفكار، بس في اجتماعات كانت بتجمع نخبة من كل الأحزاب ومن كل السياسيين ومن كل البرلمانيين، مش شرط يكونوا أعضاء في الحزب، هم بيأسسوا، وكان الوزير عاصم الجزار موجود، والدكتور السيد القصير، كلهم والمؤسسين وقاعدين وبيتكلموا وإحنا مجموعة كبيرة جدا، كان منهم مثلا نواب معارضة الناس عايزين يديروا حوار وده شيء محمود، بس ساعة تأسيس الحزب والهيئة التأسيسية قلت عرضوا عليا، قلت لهم: شكرًا.
أنا على الهواء أهو بقول، آه بقول على الهواء يطلع حد يكدبني، إننا اعتذرت".
وتابع متسائلًا: إزاي بقى أهاجم عشان ما روحتش؟ ، طب أنا أقول لك على حاجة أفضل، مش عشان بيقول لك الجماعة اللي هاجموني عشان الكلام اللي قلته في المناظرات قالوا" عشان هو كان عايز ييجي عضو في البرلمان"؟ ، طيب ماشي أهلي أنا عيلة أبويا وعيلة أمي في الشرقية في منيا القمح العزيزة، وصلوا لمرحلة إنهم شتموني على الواتساب علشان كل انتخابات برلمانية، وهم موجودين وسامعيني: يقولوا لي لازم تنزل في دائرة منيا القمح وهتنجح"، " وهتنجح من غير مجهود كل الناس عايزاك"، أقول لهم: لا.
لا، لغاية ما قالوا لي: " جتك نيلة".
واستكمل رئيس تحرير مؤسسة" أونا" للصحافة والإعلام: " يعني ده مبدأ عندي، وأنا سوري يعني في الكلمة معلش أنا آسف، وأنا بعتذر للسادة المشاهدين على الكلمة دي يعني يعني أنا أرجو إنها ما تتفهمش إنها غرور خالص والله العظيم، لكن لما يكون في أسماء من اللي موجودة في البرلمان دلوقتي مع كل تقديري ليها يعني.
لو مجدي قال إن أنا عايز البرلمان هكون أنا ولا هم؟ ".
وأضاف" الجلاد": " أنا آسف أنا بعتذر وأعوذ بالله من الشيطان الرجيم، دول كلهم تلاميذي، وبيلوموني على بعض الصحفيين اللي طلعوا من المدرسة بتاعتنا يعني، شايف بيعمل إيه أقول لهم وأنا مالي؟ هو اختار طريقه بعد ما اتعلم صحافة معايا.
أقول لهم وأنا مالي أنا مش بربي في البيوت".
واختتم الإعلامي مجدي الجلاد، حديثه قائلًا: " أنا أهم حد عندي 3 أطراف.
أنا لما بكتب أو أدير جورنال أو مؤسسة أو أطلع في برنامج مقدم، ضيف، أي حاجة في الدنيا.
أمم، أي حاجة، بكلم 3 أطراف ما فيش حد غيرهم براعيهم؛ الأول، باخد بالي منهم جدًا، الأول الناس اللي ربوني وعلموني وفضلهم كبير عليا بعد ربنا واستحملوني، اللي هم الشعب المصري اللي هم فضلهم علينا كلنا بعد ربنا.
الثاني ولادي، الثالث ولادي وبيتي".
وأضاف: " ولادي أنا جبتهم مرة واتنين وتلاتة أقول لهم" عايزيني ها ولا ها؟ " يقولوا لي" لا، خليك زي ما أنتِ".
أنا بتكلم عن تاريخي الصحفي والإعلامي هم ما يخجلوش منه الحمد لله رب العالمين، أنا ما ينفعش أموت وهم يتعايروا بيا".
" النتائج هي المعيار الوحيد".
مجدي الجلاد يعلق على التعديل الوزاري الجديدمجدي الجلاد: تراجع الوعي بالقضية الفلسطينية أخطر من العدوان نفسه - (فيديو).
التعليقات (0)
لا توجد تعليقات حتى الآن. كن أول من يعلق!
أضف تعليقك