حسام داغر يعلن وفاة الفنان الشاب كريم عبد العليم فى حادث سيارة بالشيخ زايد

كشف الفنان حسام داغر عن وفاة الفنان الشاب كريم عبد العليم، حيث كتب عبر حسابه على موقع فيس بوك، " الله يرحمك يا كريم.

مش مصدق وأنا بكتب الكلام ده.

الممثل الشاب كريم عبد العليم كان طالب عندي في استوديو الممثل وخريج المعهد العالي للفنون للمسرحيه في ذمة الله".

وأضاف حسام داغر: " توفى كريم من شويه عربية صدمته في الشيخ زايد وتوفي في المستشفي.

ده لسه فرحك كان في شهر يناير يا حبيبي يا شقيان يا ممثل يا عظيم و شاطر من أول ما عرفتك في مسلسل حضرة العمدة وشفت موهبتك وعلقت على جمالها وشطارتك وعرفت إنك من المتفوقين كمان في المعهد وأنك أخدت جوايز كتير من أول فيلمك القصير بوتيتو potato وجيت وعرفتك أكتر كطالب عندي وشفت حجم موهبتك الكبير".

وأكمل حسام داغر عبر حسابه: " ليه يا ربي وجع القلب ده.

ميغالاش على اللي خلقه ده كان بيضطر يجري ورا حلمه ويشتغل حاجات تانية علشان يقدر يتجوز ويفتح بيته لا حول ولا قوة إلا بالله ربنا يصبرني يا رب ويرحمك يا حبيبي يا كريم يا عريس".