كلوديا حنا لتليفزيون اليوم السابع: الفان زون مُبهرة وذات طابع عالمى والتنظيم عبقرى

أشادت الفنانة العراقية كلوديا حنا بمنطقة الفان زون وهى منطقة المشجعين المصرية (Egyptian Fan Zone) في العاصمة الإدارية الجديدة، والتى أقامتها ونظمتها الشركة المتحدة للخدمات الإعلامية، لمشاهدة مباريات كأس العالم هناك على أكبر شاشة فى العالم ناقلة للمباريات وسط أجواء كرنفالية مونديالية.

وقالت كلوديا في مكالمة هاتفية لتليفزيون اليوم السابع: " بصراحة أنا قبل كدة روحت العاصمة الإدارية عشان أشترى عقار لكن المرة دى روحنا العاصمة وركبنا المونوريل.

بصراحة كانت تجربة رائعة.

خدنا حوالى 10 دقايق ووصلنا مباشرة وبعدا دخلت الفان زون إيريا.

الموضوع كان مبهر.

التنظيم كان عبقرى المكان منظم جدا.

عجبنى التخطيط العمرانى والطريقة اللى معمول بها المنطقة.

كل حاجة منظمة الأماكن.

كل حاجة كانت مظبوطة.

الحفل كان مبهر".

وأضافت كلوديا قائلة: " فيه ناس من الفانز بتوعى في العراق وفى عدة مناطق، لما نزلت شوية صور وفيديوهات قالولى أنتى في أمريكا.

قولتلهم لا أنا في مصر في منطقة الـ Fan Zone".

وتابعت كلوديا: " اضطريت إن أنا أفهمهم، وصورت المكان وصورت نفسى في فيديوهات وأنا هناك عشان أشرحلهم.

حدث استثنائى بمعنى الكلمة والأجواء كلها حيوية وفخامة من أول ما تدخل.

وتفاصيل كانت مدروسة بعناية من استقبال وعروض.

بصراحة كان فيها طابع عالمى".

وأضافت الفنانة العراقية كلوديا حنا في مداخلتها الهاتفية لتليفزيون اليوم السابع قائلة: " يعنى بصراحة كانت ليلة ما تتنسيس.

ليلة من الاحتراف والرقى.

الفان زون واجهة مميزة من الفعاليات الكبرى بشكر كل القائمين اللى نظموا الحدث الرائع ده.

وأعتقد إن فيه أحداث عالمية ممكن تحصل فى المنطقة دى.

أنا جالى رسايل من الجاليات العراقية في كل حتة يسألونى عن جمال المكان.

والطاقة الإيجابية بتاعت الشعب المصرى هناك".