يا" عمدة" ميت عاصم.
من نصّبك إلهًا لتذل الناس؟ عقوبتك يجب أن تكون مضاعفة لأنك" خنت" هيبة الدولة!
ياعمدة ميت عاصم: بأي حق وبأي شريعة تمد إيدك وتضرب شابًا أعزل، متجردًا من ستره، ومسحوبًا في زفة عار؟ هل دورك كـ" عمدة" إنك تحمي القانون ولا تحمي البلطجة"؟ لما" كبير البلد" يشارك في حفلة تعذيب وإهانة، يبقى إحنا قدام كارثة أخلاقية وقانونية.
أنت يا عمدة المفروض تكون" أول" واحد يستر العريان ويهدي النفوس ويسلم المخطئ للشرطة.
مش تكون أول واحد ينزل بـ" قلمك" على وش واد غلبان مكسور! ده استعباد وذل وتجبر ملوش مكان في عصرنا ده.
المطالبة بالقبض على العمدة فورًا!
إحنا بنطالب، وبصوت عالي، بضرورة القبض على العمدة فورًا ومحاكمته.
عقوبة العمدة لازم تكون" مضاعفة" عن أي حد تاني في الـ ١٥ واحد:
لأنه استغل منصبه وسلطته في ممارسة البلطجة.
لأنه خان الأمانة اللي ائتمنته عليها وزارة الداخلية؛ لأنه بفعله ده" حرض" الصبيان والبلطجية إنهم يكملوا في" زفة العار".
رسالة للداخلية: هل يصح إن" ممثل الدولة" في القرية يكون هو الجلاد؟ هل السكوت على العمدة ده هيخلي الناس تثق في القانون تاني؟النهاية: لا حصانة لـ" بلطجي" ببدلة رسمية!
ميت عاصم مش سجن خاص للعمدة وأعوانه.
لازم الحساب يكون عسيرًا، ولازم العمدة ده يتجرجر للتحقيق زيه زي أصغر عيل شارك في الواقعة دي.
إحنا مش عبيد عند حد، والكرامة مبيتعملش عليها" مزاد" في شوارع بنها.
التعليقات (0)
لا توجد تعليقات حتى الآن. كن أول من يعلق!
أضف تعليقك