أعلنت الشركة المنتجة للمسلسل المرتقب «كلهم بيحبوا مودي»، الذي يؤدي بطولته النجم ياسر جلال، عن إطلاق أغنية ترويجية جديدة كدعاية للعمل المقرر إدراجه ضمن السباق الدرامي لشهر رمضان المبارك، وتحمل الأغنية اسم «مين اللي ميحبش مودي»، وقد جاءت بتعاون غنائي لافت يجمع بين بطل العمل النجم ياسر جلال والفنان الكوميدي مصطفى أبو سريع.
وتولى النجم ياسر جلال أداء الأغنية بصوته، حيث تميزت بكونها تنتمي إلى نوعية الأغاني المبهجة ذات الإيقاعات الصيفية الحيوية، كما حرص صناع العمل على تقديمها بشكل بصري مميز، إذ جرى تصوير الأغنية في أجواء ساحلية على شاطئ البحر، وشهدت ظهورًا خاصًا ومشاركة فاعلة من النجم مصطفى أبو سريع إلى جانب ياسر جلال.
كلمات أغنية مين اللي ميحبش مودي.
وجاءت كلمات أغنية مين اللي ميحبش مودي على النحو التالي.
مودي.
مودي.
الكاريزما والقبول.
المكانة.
والنفوذ والشهرة.
والفلوس.
والفسح.
والانبساط يعني عايش على البساط والشقاوة.
والبنات بيحبوا اللي معاه كاشات عربيات كل الماركات والهدايا والساعات.
وأنواع كل الستات لما شافوا التعلب فات أي حاجة فيها مودي سهلة في جميع الحالات.
أي حاجة فيها مودي سهلة في جميع الحالات.
أجمل حاجة بحبها فيك إنك واضح قوي مش فيك.
بس وضوحك بقى مع كله ده اللي بيخوفني عليك.
أنا أوضح خلق الله عايش حياة شبه الحياة.
ماشي في عكس الاتجاه بس دايمًا اللي بيحمد ربه بيكون واقف معاه.
الحمد لله.
فيه واحدة تحسها فتروحلها فتقولها.
فيه واحدة من اللذاذة تروح تبيت عندها وواحدة بعد حبة تمل تزهق منها.
مودي.
فيه واحدة تعذبك.
مودي التانية تنرفزك.
مودي التالتة تحبسك.
فيه واحدة من الغباوة في أي مصيبة تلبسك فتخسرك وتحسرك وتدمرك يا مودي صاحبك حذرك.
دور على اللي يقدر فيكبرك.
ابعد عن اللي يصغرك يا مودي صاحبك حذرك.
متشكر ع النصيحة وعارف إن دي الحقيقة.
بس كل واحد منا في الحياة له طريقة.
مودي.
متتدخلش.
إيه الإحراج ده.
والبنات بتحب اللي معاه كاشات عربيات كل الماركات والهدايا والساعات.
ومسلسل «كلهم بيحبوا مودي» من بطولة النجم ياسر جلال والنجمة القديرة ميرفت أمين، بمشاركة آيتن عامر وهدى الإتربي ومصطفى أبوسريع ويمنى طولان ومحسن منصور وآيسل رمزي، ومن تأليف أيمن سلامة وإخراج أحمد شفيق، وإنتاج مها سليم.
وتدور أحداث المسلسل حول رجل يعيش حياة من الترف بشكل كبير حتى يفقد كل أملاكه، ما يدفعه للزواج من سيدة شعبية ولكنها غنية، وسط أحداث طريفة تجمع بين الزوجين، ومن المقرر عرض المسلسل على قنوات المتحدة ومنصة WATCH IT.
التعليقات (0)
لا توجد تعليقات حتى الآن. كن أول من يعلق!
أضف تعليقك