مسلسلات رمضان 2026، أعلن الفنان عمرو سعد في مقطع فيديو على فيس بوك، تكفل أسرة مسلسل “إفراج” بـ30 غارمًا وغارمة بكامل مصاريفهم حتى خروجهم من السجن.
وقال خلال مقطع فيديو على" فيس بوك": علشان يكون اسم على مسمى وساعات الخير في العلن بيكون مفيد والدال على الخير كفاعله أننا نشاور زمايلنا وصحابنا إن دا ممكن يحصل".
وتابع: " دلوقتِ بقى فيه أوجه كتير من الدعايا ساعات بيجي فريق سوشيال ميديا يطلع مبالغ رهيبة جدًّا علشان الناس تجيب بيهم لايكات، وأنا بطلب من كل زملائي أني احنا بقدر مجهودنا نقدر نساعد الناس لأننا ما لناش غيرهم بعد ربنا همَّ اللي عملونا وتستحق كتير وما تستحقش إننا نخدعهم".
وكان نشر الفنان عمرو سعد فيديو له من كواليس تصوير مسلسله الجديد “إفراج” المقرر عرضه في الموسم الرمضاني القادم ٢٠٢٦ وظهر الجمهور يلتف حوله لالتقاط عدد من الصور التذكارية معه في منطقة مصر القديمة أثناء التصوير.
وكتب عمرو سعد على الفيديو الذي نشره على حسابه الرسمي بموقع التواصل الاجتماعي “فيسبوك”: بقالي سنين بصوّر برّه مصر أو جوّه استوديوهات وما كنتش واخد بالي إني محروم من أغلى حاجة حضن الناس الطيبين اللي بيدّي طاقة وعزم وقوة.
من أول ما بدأت وأنا بحاول أعبّر عنكم وكان حلمي إني أقدّم حاجة بجد، تسيب أثر وتطلع من القلب للقلب كنت دايمًا مؤمن إن الصدق حتى لو ساكت بيوصل وإن الكدب مهما صوته عالي بيخسر".
وأضاف: “وبكل صدق بهديكم مشاعري ومجهودي في مسلسل إفراج، اللي أتمنى يكون واجهه مشرفه لينا وللدراما المصرية”.
يشارك عمرو سعد في البطولة كل من: تارا عماد، حاتم صلاح، عبد العزيز مخيون، سما ابراهيم، جهاد حسام الدين، أحمد عبدالحميد، عمر السعيد، دنيا ماهر، علاء مرسي، شريف الدسوقي، صفوة، بسنت شوقي، والمسلسل من تأليف أحمد حلبة ومحمد فوزي وأحمد بكر، وإنتاج صادق الصباح، وإخراج أحمد خالد موسى.
التعليقات (0)
لا توجد تعليقات حتى الآن. كن أول من يعلق!
أضف تعليقك