قال المنتج جمال العدل، إن منصات الديجيتال باتت اللاعب الأهم في سوق المحتوى، مشددًا على ضرورة امتلاك شركات الإنتاج لحقوق أعمالها الرقمية بدل الاكتفاء ببيعها مرة واحدة، في ظل التحولات المتسارعة في أنماط المشاهدة والإعلان.
وأضاف خلال حواره مع الإعلامية أميرة بدر، في برنامجها" أسرار" المذاع عبر شاشة" النهار"، مساء الأحد، أن نموذج التمويل تغيّر جذريًا، موضحًا: “البرنامج اللي أنا فيه الآن جزء منه الرعاة والمعلنين والريلز اللي هتنزل بعد كده على الديجيتال.
هم دول اللي بيجيبوا فلوسه دلوقتي”.
وأضاف أن هذا التحول انعكس على سوق الدراما، حيث أصبحت المنصات تستحوذ على المحتوى بشكل كامل، قائلًا: " دلوقتي كل الناس اللي بتاخد مننا المسلسلات، إحنا وغيرنا، بياخدوا المحتوى لهم"، في إشارة إلى انتقال حقوق العرض والاستغلال إلى المنصات الرقمية.
وأبدى العدل تحفظه على هذا النموذج، معتبرًا أنه لا يحقق الاستدامة للمنتج، قائلا: “الطريقة دي مش عاجباني.
أنا في الآخر بعمل العمارة ومكتوب عليها هذه العمارة بناها جمال العدل، وخدت فلوسي ومشيت، ما بقتش بتاعتي".
وأوضح أن المنصات تحقق أرباحًا ممتدة من إعادة تدوير المحتوى عبر التطبيقات ومقاطع الفيديو القصيرة، مضيفًا: " الناس اللي اشتروا الأفلام المصرية اشتروها مرة، ودلوقتي بيكسبوا منها كل شوية من الريلز على فيسبوك وتيك توك وغيرها، ولسه كل شوية يطلع أبلكيشن جديد يكسبوا منه العمر كله".
وحول مستقبل التلفزيون والسينما، قال العدل: “التلفزيون مش هيموت، ولا السينما هتموت، لكن الشريحة بتاعة الديجيتال بتكبر"، لافتًا إلى أن الجمهور بات يستخدم عدة تطبيقات في وقت واحد، وأن هذا التوسع سيستمر خلال السنوات المقبلة.
وكشف العدل عن إطلاق شركة “العدل جروب ديجيتال” كخطوة استراتيجية لمواكبة هذا التحول، موضحًا أنها بدأت بالفعل في إنتاج أعمال قصيرة وميكرو دراما مخصصة للمنصات.
وقال: “إحنا دلوقتي بنعمل ميكرو دراما للديجيتال، وعاملين شركة اسمها العدل جروب ديجيتال”، مشيرًا إلى أن الشركة ما تزال في بدايتها لكنها حققت خطوات مهمة.
وأكد أن المرحلة المقبلة تتطلب امتلاك المحتوى الرقمي، قائلًا: “لازم يبقى عندنا محتوى نقدر نكسب منه إحنا.
لأن اللي جاي كله هو الديجيتال”.
التعليقات (0)
لا توجد تعليقات حتى الآن. كن أول من يعلق!
أضف تعليقك