تحدثت الفنانة حورية فرغلي عن طفولتها، وانفصال والدها ووالدتها، وأسباب تأثير ذلك عليها في حياتها ومشوارها الفني، مؤكدة أنها استكملت باقي حياتها ما بين دبي وفرنسا ولندن.
وقالت حورية فرغي خلال لقائها في برنامج «كشف حساب» الذي تقدمه الإعلامية إنجي هشام: «ماما وبابا اتطلقوا وأنا عندي 48 ساعة، ومامتي سافرت وسابتني مع بابا، عشت معاه 7 سنين، ومع ماما سنتين، وبعدها تنقلت لوحدي بين فرنسا ودبي ولندن».
وعلقت حورية فرغلي على أنباء اختلاقها قصة خطوبتها من أجل التريند، وقالت: «عرفته عن طريق مذيعة زميلة، وكان بيفكر يدخل الانتاج كخطوة كويسية وكان بياخد رأيي، وممكن يكون دخل سكة الإنتاج عشان يتعرف عليا، وصاحبتي قالتلي ينفع عريس، أنا أول مرة أقابله، وبعدها سافر ومتقابلناش والموضوع مكملش».
وأكدت حورية فرغلي أنها لا زالت تحتفظ بصورتها مع خطيبها المتوفى، قائلة: «معلقة صورة خطيبي اللي اتوفى في أوضتي والصالة وفي قلبي، هو الشخص الوحيد اللي أنا حبيته، ودي صورتي معاه، كنت بحب حبه ليا وطيبته وحنيته».
وأضافت أنها تتمنى تقديم عمل سيرة ذاتية، قائلة: «نفسي أعمل سيرة ذاتية مثلًا زي شجرة الدر، أو الأميرة ذات الهمة عشان بركب خيل، وبعد كده ممكن أعتزل التمثيل».
وتحدثت حورية فرغلي، عن حقيقة تنمر الفنانة وفاء عامر عليها كما أشيع، قائلة: «لأ محصلش إن وفاء عامر تنمرت عليا، كنا بنصور مسلسل ومعانا ممثلة تالتة في المشهد اتأخرت، فهي فهمت أن دي أنا وأنا وضحت ده، وهي مقالتش إحنا متأخرين بسبب إن الماكيير بيعمل مناخيري السيليكون لأن وقتها ماكنتش عملت الأربع عمليات الجراحية الأخيرة».
وعن علاقتها بالفنانة أمينة خليل، التي أثارت جدلًا لفترات طويلة، قالت حورية فرغلي: «ماتحطتش في خزنة عمري، واللي يبيعني أبيعه وأنا معملتش ليها حاجة أصلا، ومامتها بنت خالة والدتي، وأستاذ عمرو الليثي فاجئني على الهوا وقال إنّ في صلة قرابة، واتقابلنا مرة وإحنا صغيرين تقريبًا مش فاكرة، ثانيًا أنا بقول إن أستاذ رشوان توفيق قريبي إيه المشكلة؟ ».
التعليقات (0)
لا توجد تعليقات حتى الآن. كن أول من يعلق!
أضف تعليقك