علقت الفنانة إلهام شاهين، على تصريح ابن شقيقها محمود شاهين، بشأن شرب الخمور في الأفراح ووصفه بأنه" أمر طبيعي".
وقالت" شاهين" لبرنامج بين السطور: " فيه ناس بتعمل ده بس ما تقولوش.
وفيه ناس لما تبقى في حفلة وبتشرب، لما يجوا يصوروا يتشال المشروب بس عشان الصورة.
طب ولو واحد صريح وواضح يعني إيه المانع؟ ".
وأضافت أنها تتقبل الأمر شخصيًا، قائلة: " أيوة إحنا مش عاملين فرح إسلامي.
أيوة شباب بينبسط وبيسهر وبيشرب، ده عادي ده بيحصل أيوة.
دينيًا حرام.
أه إحنا مش هنحاسب الناس دينيًا، ربنا اللي هيحاسبهم بقى دينيًا.
المهم إنه يبقى ما بيأذيش حد، يعني لو واحد متدين وما بيشربش خمور وبيقتل وبيذبح ويؤذي مجتمعات.
إحنا ما نحاسبوش على ده".
تعليق إلهام شاهين على انفصال نجل شقيقها.
علقت بشأن انفصال نجل شقيقها بعد 11 شهرًا، أنها لا تتدخل في حياتهم الشخصية: " لا خالص، أنا ما ليش دعوة بحياتهم خالص كلهم، لا إخواتي ولا ولاد إخواتي".
كما ردت على وصفها بأنها دكتاتورة وتسيطر على العائلة، قائلة: " لا، في إن أنا أجمعهم، في إنه لو فيه موقف لحد إحنا نبقى جنبه، في إنه لو حد عيان كلنا جنبه مثلًا لو لا قدر الله في مستشفى.
لكن قرارات شخصية دي حياته".
التعليقات (0)
لا توجد تعليقات حتى الآن. كن أول من يعلق!
أضف تعليقك