أكدت وزارة الأوقاف، أن المساعدة في البيت ليست شهامة زائده بل هي رجولة كاملة، لأن بعض البيوت عايشة بفكرة إن شغل البيت مسئولية الزوجة وحدها، وإن الرجل غير ملزم.
لكن الحقيقة إن البيت مسئولية مشتركة، والراحة النفسية فيه مسئولية الزوجين.
وقالت الأوقاف، أن البعض يقول: " أنا بشتغل بره وهي شغلها البيت".
لكن الواقع إن هي كمان بتشتغل طول اليوم، من غير مواعيد راحة، ومن غير مقابل، وأحيانًا من غير كلمة تقدير، وأحيانًا تكون زوجة عاملة خارج المنزل، وأحيانًا بعض الزوجات تتحمل مسئولية الأسرة بالكامل.
وأضافت وزارة الأوقاف المصرية عبر صفحتها الرسمية على فيسبوك: أن التعب اللي ما بيتشافش، يكون أحيانًا أثقل من أي مجهود ظاهر، مستشهداً في ذلك بقول الله- تعالى- في سورة النساء﴿وَعَاشِرُوهُنَّ بِالْمَعْرُوفِ﴾.
وأوضحت، أن المعروف ليس مجرد كلمة طيبة، لكنه سلوك عملي: مساعدة، احتواء، تقدير، وصبر.
وسيدنا النبي ﷺ علمنا: " خيركم خيركم لأهله" (رواه الترمذي)، وكان يصلح حذاءه ويخيط ثوبه، و" كان في مهنة أهله" (رواه البخاري)، يعني بيساعد في بيته، وما اعتبرش ده انتقاص من قدره.
وفي صلب آيات الصيام وبعد آية قبول الدعاء، ربنا سبحانه وتعالى قال: ﴿هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ﴾ (البقرة 187)، يعني الزوجين حماية ودفء ودعم متبادل، فالتعاون بين الزوجين جزء من العبادة، وروح الصيام وقبول الدعاء.
وقالت الأوقاف، أن البيت اللي فيه رجل يشارك ويساند، بيت مليان مودة ورحمة وبركة.
لكن لما الزوجة تتحمل وحدها فوق طاقتها، يبدأ الصمت يكبر، والجفاء يظهر من غير ما حد ياخد باله.
القوامة مش سيطرة.
القوامة مسئولية وسند.
ونصحت وزارة الأوقاف ببدأ خطوة بسيطة: شارك في مهمة، اسألها محتاجة إيه، خفف عنها قبل ما تطلب، وقل كلمة تقدير صادقة.
هتتفاجئ إن أبسط مشاركة بتصنع أكبر فرق، وإن البيت اللي فيه تعاون.
بيت فيه سكينة.
محتاجين نربي ولادنا، اللي هما أزواج وزوجات المستقبل، على هذه الروح اللي فيها تكامل ومودة.
مش أنانية.
أبعد من مجرد ترفيه.
رسالة أمين الفتوى إلى بيتر ميمي مخرج" أصحاب الأرض".
هل شغل" البلوجر" حلال أم حرام؟
علي جمعة يحسم.
التعليقات (0)
لا توجد تعليقات حتى الآن. كن أول من يعلق!
أضف تعليقك