روان الغابة: "صحاب الأرض" كان هياخد جايزة عالمية لو تكلم عن الهولوكوست

علقت الفنانة روان الغابة على مشاركتها بمسلسل صحاب الأرض عبر حسابها على فيس بوك.

وكتبت: “مش من عوايدي اني مردش على الكومنتات.

بس اتفاجئت بعدد المتابعين اللي كبر فجأة.

انتوا كلكوا علي راسي من فوق.

أنا قريت كل كومنتاتكوا وبكيت لربنا من الفرحة”.

وأضافت: “د.

بيتر ميمي: اتكتب اسمك في التاريخ.

شكرا علي العمل العبقري.

انت رفعت راس مصر والأمة العربية كلها.

ووثّقت أحداث غزة (فلسطين ) صحاب الأرض الأصليين عشان ولادنا وأحفادنا ماينسوش”.

و تابعت: “وبمناسبة الجوائز صحاب الأرض كان أكيد هياخد جايزة عالمية.

لو كان بيتكلم عن الهولوكوست.

مهنيا: بيتر ميمي كان بيعمل بإيده كل حاجة حرفيا، من توجيه الممثلين، مرورا بكل مراحل العمل حتى الركام اللي موجود على جسم رغد وزوجها هو اللي عمله بإيده”.

واستطردت روان الغابة: “فنيا: انت جمعت ما بين الإبهار في الصورة والكادرات، والاحساس في المشاهد بلحظات الصمت، بالقطعات.

و أنا بتفرج حسيت ان في ٧ مخرجين بيخرجوا العمل ده مع بعض، كأن كل واحد فيهم ليه مدرسة متميز فيها، وحصل دمج عشان يطلع هذا العمل الرائع.

شكرا من كل قلبي”.

واستكملت حديثها قائلا: “الأساتذة الصحفيين؛ انتوا شرف كبير ليا وبعتذر جدا.

كنت محتاجة استني المسلسل يخلص واستوعب حاجات كتير بتحصل حوليا.

شكر خاص للكرو العظيم”، وتوجهت بالشكر لفريق العمل.

كما وجهت رسالة لأهل غزة قائلة: “ربنا يربط علي قلب كل أم وكل إنسان فقد حبيب أو غالي.

انتوا في قلوبنا”.

شارك في بطولة مسلسل صحاب الأرض عدد من النجوم في مقدمتهم الفنانة منة شلبي والفنان إياد نصار والفنان الفلسطيني كامل الباشا والفنان عصام السقا والفنانة تارا عبود، وعدد من النجوم، ومعالجة سيناريو وحوار مسلسل صحاب الأرض لعمار صبري، وتطوير السيناريو والحوار لمحمد هشام عبية، والعمل من إخراج بيتر ميمي.