رد مفاجئ من عمرو سعد على هجوم محمد سامي عليه

حرص الفنان عمرو سعد على الرد على هجوم المخرج محمد سامي عليه بشأن عدم كون مسلسله إفراج هو الأكثر مشاهدة في شهر رمضان 2026، وذلك من خلال نشر مجموعة من المستندات التي تثبت بأنه الأكثر مشاهدة.

علق عمرو على المستندات قائلا: “لاول مرة ننشر التقارير المعتمدة مش المزوره وكنت اتمني ان الشركات والمحطات تعلنها لان ده في مصلحته الشغلانه والصناعة زي كل بلاد الدنيا اللي فيها صناعة دراما وسينما ولها تاريخ وبكده نقفل الباب علي المدعين اللي بيحاولوا يزورا الحقايق اللي مستحيل إنكارها وصعب جدا انك تضحك علي الناس وتزيف وعيهم”.

وكان هاجم المخرج محمد سامي الفنان محمد سعد وذلك بسبب تصريحاته بأن مسلسله إفراج هو الأكثر مشاهدة خلال شهر رمضان 2026، وذلك من خلال فيديو نشره عبر حسابه الشخصي بموقع التواصل الاجتماعي “فيس بوك”.

قال سامي في الفيديو، “في زميل عندي بعزه وبحترمه جايب مستندات وبيقول إنه الأكثر مشاهدة الكلام ده مش صح وعلى مسئوليتي عشان تبقى رقم واحد محتاج تبذل مجهود محتاج كل ماتفتح الانترنت تلاقي الناس بتتكلم عن المسلسل وكل ماتقعد على القهوة تلاقي الناس بتتكلم عن المسلسل”.

أضاف سامي، “والمنصات عندها اشتراكات وكمبيوتر بيحسب مين الأعلى مشاهدة ومفيش حاجة اسمها أنا مسلسلي هو الأعلى مشاهدة في آخر 10 سنين وكلمة رقم واحد دي بقت تعصب الجمهور”.