الجمعة 06/مارس/2026 - 12: 51 ص 3/6/2026 12: 51: 44 AM.
شارك الرئيس عبد الفتاح السيسي، رئيس الجمهورية القائد الأعلى للقوات المسلحة في حفل الإفطار الذي نظمته الأكاديمية العسكرية المصرية، وذلك بحضور الدكتور مصطفى مدبولي رئيس مجلس الوزراء، والفريق أشرف سالم زاهر القائد العام للقوات المسلحة وزير الدفاع والإنتاج الحربي، والفريق أحمد خليفة رئيس أركان حرب القوات المسلحة، وعدد من الوزراء وقادة الأفرع الرئيسية، وقادة القوات المسلحة وعدد من الإعلاميين، وطلبة الأكاديمية العسكرية والكليات العسكرية.
وجاءت أبرز تصريحات الرئيس السيسي كالتالي:
شفت في 2011 عندما تتشرذم أمة متماسكة الأمة دي قد لا تعود مرة تانية.
بنتكلم إن مش عاجبنا التمريض في مستشفياتنا فممكن نحكي ونوجه ونعطي تعليمات ومفيش النتيجة اللي أنتم عايزينها.
قولت أعمل اختبارات للي هيدخل من الدفعة الجديدة من التمريض وكانوا خلاص هيدخلوا.
والـ4 آلاف صفصفوا على 400 طالب، فأنتم عايزين عدد ولا جودة.
كم ولا نوع؟
أنا عامل حسابي خلال سنة إن إحنا هناخد في حدود من 10 إلى 15 ألف معلم في السنة نجهزه علشان نضخه في مدارسنا.
التخصصات اللي ملهاش لازمة خدوا القرار وقولوا للناس إن إحنا آخر دفعة هتتخرج من التخصص دا السنة دي، والسنة الجاية مفيش، لأنه ملوش شغل.
أنت غالي أوي وأنتي غالية أوي على إن إحنا تضيعوا أربع سنين في التعليم ميكنش ليهم أي مستقبل للعمل.
محدش بيطلع في الغالب كسبان من الحرب فإحنا حاولنا كتير أوي إن إحنا نعمل جهود وساطة ومخلصة وأمينة ولكن مش كل اللي إحنا بنتمناه ممكن نناله يعني.
قلت ادرسوا إن إذا كان الأمر بيتطلب إحالة أي حد يتلاعب في سلعة وأسعار والكلام دا يتحال للقضاء العسكري.
لسه كنت بكلم يعني أحد المسؤولين كان بيكلمني من رؤساء الدول، قلت له إحنا فقدنا 10 مليار دولار خلال السنتين اللي فاتوا، يعني إحنا يدوبك ابتدينا يعني قلنا يعني هنشم نفسنا، الحمد لله، الحمد لله، الحمد لله.
التعليقات (0)
لا توجد تعليقات حتى الآن. كن أول من يعلق!
أضف تعليقك