لما الأذى يكتر الاعتزال بيبقى راحة مش هروب

في ناس كتير فاكرة إن اللي بيبعد عن المشاكل ضعيف، أو إن اللي يختار يمشي من غير خناقات يبقى ما عندوش قدرة يواجه.

لكن الحقيقة غير كده خالص.

الحقيقة إن في ناس بطبعها ما بتحبش الخصام، ولا بتدور على الزعل، ولا بتستسهل تقطع العِشرة مع حد كان له يوم مكان في قلبها.

في ناس بتدخل العلاقات بنية صافية.

بتدي من قلبها، وبتحاول تحافظ على الود، وبتسامح كتير، وتعدّي حاجات كتير علشان المركب تمشي.

مش علشان هما ما عندهمش كرامة… لكن علشان هما مؤمنين إن العلاقات لازم فيها صبر، ولازم فيها مساحة للتغافل.

الناس دي مش بتبدأ خصام.

ولو حصل زعل بتحاول تصلّح.

ولو حصل سوء فهم بتحاول توضّح.

ولو اتجرحت مرة أو اتنين بتقول يمكن الظروف، يمكن الضغوط، يمكن اللي قدامها ما يقصدش.

لكن المشكلة إن في ناس بتفهم الطيبة ضعف.

بتفتكر إن اللي بيسامح كتير هيستحمل على طول.

وإن اللي بيعدّي مرة هيعدّي كل مرة.

ومع الوقت… الأذى بيزيد، والكلام يوجع، والتصرفات بتكسر حاجة جوة القلب.

هنا بييجي لحظة مهمة… لحظة الوعي.

اللحظة اللي الإنسان فيها يفهم إن الحفاظ على العِشرة حاجة جميلة، لكن الحفاظ على نفسه أهم.

وإن الصبر على الناس فضيلة، لكن الصبر على الإهانة مش بطولة.

وإن السكوت عن الغلط مرة مش معناه إنك لازم تسكت العمر كله.

في اللحظة دي… بعض الناس ما بتعملش مشاكل، ولا بتفتح دفاتر قديمة، ولا بتدخل في معارك كلام.

هما ببساطة بيختاروا الاعتزال.

الاعتزال أحيانًا بيكون أعلى درجات القوة.

إنك تبعد بدل ما تتحول لشخص عصبي ومليان غضب.

إنك تختار راحة قلبك بدل ما تفضل في مكان بيستنزفك كل يوم.

في ناس بتفتكر إن اللي مش بيزعق يبقى مش موجوع.

لكن الحقيقة إن أهدى الناس غالبًا بيكونوا أكتر ناس اتأذوا.

الفرق بس إنهم ما بيحبوش يردوا الأذى بأذى.

هما بس لما بيتعبوا… بيسيبوا المكان.

ومن غير ما يسيبوا وراهم غير الصمت.

مش لأن العِشرة هانت عليهم… بالعكس.

لأنها كانت غالية جدًا، لدرجة إنهم ما حبوش يشوفوها بتتكسر أكتر من كده.

وفي النهاية لازم نفهم حاجة مهمة….

ومش كل اللي اعتزل بيبقى ما بيحبش.

أحيانًا الإنسان بيمشي لأنه تعب.

وأحيانًا بيعتزل لأنه فهم إن بعض الأماكن.