كشفت الفنانة فريدة سيف النصر عن السر وراء غيابها عن السباق الرمضاني 2026، وهو عدم وجود أعمال تجذبها وليس بسبب قلة الأعمال المعروضة عليها كما أشاع البعض.
كتبت فريدة من خلال حسابها الشخصي بموقع التواصل الاجتماعي “فيس بوك”، “السلام عليكم.
البعض فاكرين اني فاضيه للفرجه علشان ماجانيش شغل.
لا والله أنا اعتذرت رمضان اللي فات وطول السنه عن اعمال جميله ومحترمه زي روجينا لكن ماناسبتش دماغي كادور يستفذني.
و والله كل شهر عمل ما واعتذر نفسي طبعا القي حاجه تنزلني جري ماانا عايزه اشتغل برضه”.
أضافت، “لكن طبيعتي مابضحكش عالناس يبقي هاضحك علي نفسي.
أما رمضان ده كنت هاكون مع الفنانه التونسيه الجميله هند صبري.
ومسلسلين مفروض كوميدي مع مشاهير جدد.
وعرفت أن ربنا بيدفعني صح أما داخل عمل ناجح لياا أو بره الحمدلله…لكن حاليا مستمتعه بمشاهداتي اللي لحقت وشوفتها.
في كتير بتقلب ومابترجعش تاني.
ودي مشكلة ملو الشرائط وخلاص.
أو لازم الفنان يتواجد وبأي شكل حتي لو سحب من رصيده”.
تابعت، “والصراحه بتوجع اوي الناس عايزه تقول هائل ماحصلتش وشويه وهاينصرفوا عنك بأعمال تمسهم بجد.
ياجماعه في مشاكل كتير لازم احنا نفتح بيبانها وندخل نحلها فين الطبقه المتوسطه الاكثر اللي اتربينا فيها الحياه مش كلها فيلا وبيسين وعربيات وتجميل.
المهم أنا هأقول رايي في اللي شوفته واول ما عجبني خلاص داومت”.
واختتمت قائلة: “عايزه اقول عالسريع ومن غير زعل ولا هجوم غير مبرر لرأي مخالف.
ده بيبقي نهاية اي حاجه تتعمل واجب أو زن عالودان احنا الجامدين وبس.
غلط لولا تعدد الاذواق لبارت السلع.
الشغل اللي من القلب وفيه معاناه بيوصل لانه حقيقي يعني حد عنده كل حاجه يحس ازاي بشخصيه مطحونه مثلا.
مش منطقي جو الاحلام والأساطير والثراء الفاحش.
الحقيقي بيدوم اكتر.
سلامو عليكم”.
التعليقات (0)
لا توجد تعليقات حتى الآن. كن أول من يعلق!
أضف تعليقك