حلت النجمة سلوي عثمان ضيفة على موقع “صدي البلد”، في ندوة تم تكريمها عن مسلسلها" كلهم بيحبوا مودي"، والذي عرض خلال شهر رمضان الماضي.
وخلال الندوة كشفت الفنانة القديرة سلوي عثمان عن تفاصيل خلافها مع المخرجة ياسمين أحمد كامل.
حيث قالت سلوي عثمان: ما نعرفش الدنيا فيها ايه، بس أنا بقول يارب ما اشتغلش مع مخرجة مسلسل أب ولكن، تاني لانها لازم تفهم انها اصغر سنا وتجربة من اللي قدامها انا اشتغلت سنين مش لسه اول مره اوقف قدام كاميرا ومرفوض انها تكلمني الطريقة دي.
وتابعت سلوي عثمان: أنا عمري ما قولت لمخرج انت بتقول إيه؟ ، المخرج لازم يوجهني ولازم اسمع كلامه وانا متعودة على كده من اول ما اشتغلت، وحتى لما كبرت ما بأتنيش الكلمة للمخرج لان هو المسئول عن العمل وانا بأنفذ وجهة نظره، يعني انا مش معترضة انها توجهني خصوصا انها كمان المؤلفة بس الطريقة وازاي بتوجهني هي دي المشكلة.
وأضافت: " إحنا اتكلمنا عادي لان في الشغل بس هي ما اعتذرتش عن اللي عملته قدام الناس وهى على فكرة عندها ايجو عاليولو غلطانة ما بتعتذرش ربنا يسهلها انما انا بأرجو من ربنا عمري ما اشتغل معاها تاني".
وأوضحت: “استكملت التصوير رغم الخلاف لإني في الآخر متعاقدة مع شركة إنتاج محترمة، بتعاون معاها من سنوات، هما مش ذنبهم اني اعطل التصوير واتسبب ليهم في عطلة”.
التعليقات (0)
لا توجد تعليقات حتى الآن. كن أول من يعلق!
أضف تعليقك