قال الطالب بيشوي ميشيل طالب بالفرقة الرابعة بكلية الهندسة قسم «الميكاترونكس» بجامعة مصر للمعلوماتية، إنّ فكرة تطبيق «Scribe Me» جاءت نتيجة تجربة قريبة منه، موضحًا: «صعب حد يشتغل في المجال ده من غير ما يكون مرّ بتجربة شخصية، ابن عمي فقد بصره في أولى ثانوي وكان محتاج يذاكر بنفسه من غير ما يعتمد على والده، كنا بنفكر ازاي نساعده يعتمد على نفسه في الدراسة والحياة اليومية».
مميزات تقنية تخدم المستخدمينوأوضح بيشوي خلال لقاء عبر برنامج «هذا الصباح» المذاع على قناة إكسترا نيوز، أنّ التطبيق يقدم عدة خدمات متطورة، قائلًا: «بنعيد ترتيب المحتوى بحيث يبقى مناسب لفاقدي البصر، وكمان بنوصف الصور والجداول اللي قارئ الشاشة التقليدي ما بيشرحهاش».
وتابع: «عندنا كمان خاصية المساعد المباشر، تقدر تستخدمها كأنّها صديق معاك طول الوقت يشرح لك اللي حواليك، سواء في الشارع أو أثناء التسوق أو حتى متابعة التلفزيون».
وأشار إلى أنّ التطبيق لم يكن مجهودًا فرديًا، متابعا: «ابن عمي نفسه اتعلم برمجة وشارك في أول نسخة، وبعد كده الفريق كبر وبقينا مجموعة مطورين، العمل الجماعي والتطوير السريع كانا من أهم أسباب نجاح التطبيق وانتشاره».
وأكد أنّ التطبيق حقق انتشارًا واسعًا: «بقينا موجودين في أكتر من 130 دولة وبندعم 15 لغة، وده خلانا سابقين المنافسين بفترة»، مشددا على أنّ الهدف هو الاستمرار في التطوير لتقديم حلول أكثر تطورًا تخدم المستخدمين بشكل أفضل.
التعليقات (0)
لا توجد تعليقات حتى الآن. كن أول من يعلق!
أضف تعليقك