قال وزير الصحة والحماية الاجتماعية، أمين التهراوي، أنه “من غير المقبول فـ2026، وما يمكنش الآن حتى واحد يتقبل أنه شي واحد اللي كيبغي يداوي راسه، وخاصة عناية في قطاع الصحي، غيمشي لمستشفى ماغيلقاهش، ولا ماغيلقاش الطبيب ولا ما غيلقاش الدوا، هاد الشي شخصيا ما كنتقبلوش، ولكن غنوقعو فهاد الحالات، راه ماكنبغيوش هاد الشي، وخاص هاد الاصلاح يكون دابا، ويكون جماعي”.
واعتبر الوزير، خلال استضافته في برنامج “بدون لغة خشب”، اليوم الجمعة (24 أبريل) على إذاعة “ميد راديو”، أنه “خاص الاصلاح باش نخرجوا من هاد الوضعية باش المغاربة كلهم يكون عندهم اللجوء لقطاع الصحة ساهل، ما يكونش صعيب ما تكونش المعاناه، اللي مشى خاص يلقى الطبيب فينما مشى، يمشي والمستشفى خاص يكون مستشفى مقاد ما يكونش مستشفى قديم ما خدامش مزيان ولا ناقصوا التجهيزات”.
وأضاف المسؤول الحكومي: “أنا كنتفهم أن المغربي ما يكونش راضي، أنا الكلام اللي كنقول هو الكلام ديال المغربي أولا، يعني ماغاديش نقول شي حاجه اللي ماغاديش نخبي على راسي شي حاجة ولا على المغاربة، وما كنقولش العام زين يعني، يعني وخا نصلحوا 9 في المائة ديال مشاكل قطاع الصحة، وتبقى 1 في المائة ديال واحد المواطن فشي بلاصة اللي ما عندوش جواب على الاحتياجات ديالو، يعني راه ما درنا والو، داك الشي علاش الإصلاح خاصو يكون جماعي”.
وزاد الوزير: “الكلام اللي كنقول هو كلام عادي، يعني بحال داك الشي اللي كيقولوا الناس في الشارع، يعني واحد مشى السبيطار لقى السبيطار ماخدامش هذا هو الهدف ديالنا هو نحيدوا هذا الشي هاد الشي طبعا، وكاين واحد العمل كبير، كاينين التحديات كبيرة جدا باش نوصلوا لهذ النتيجه، لأنه كاين تراكم، كاين تراكم يعني هذا الاصلاح بدا ربما بدا شويه معطل، كان بدا قبل التراكم في البنيه التحتية يعني منين كنمشيو للمستشفيات كاينين، ودابا كنوريو مستشفيات اللي هي جديدة اللي هي جيل جديد، اللي كتحل المشاكل ديال المواطنين”.
وفي هذا السياق أشار المتحدث إلى أنه في ظرف عام ونص تم افتتاح حوالي 10 المستشفيات جديدة غيرت صورة القطاع الصحي في المناطق التي افتتحت فيها، مثل الفقيه بن صالح وإفران وإيمي ن تناوت وبولمان وبومالن دادس وتنغير.
وتابع الوزير: “خاصنا نمشيوا بهاد الوتيرة باش نصلحوا هذا المشكل ديال البنيه التحتية، يعني المستشفيات ديالنا تكون مزيانة ما تبقاش المستشفيات ديالنا خايبة، نوصلوا لواحد الوقت اللي يدخل المستشفى يولي عادي ملي كدخل المستشفى ماكتقولش مستشفى ماخدامش ولا قديم ولا مدهور ولا موسخ ولا ما فيهش التجهيزات هاد الشي خصنا نحيدوه، وبدينا فهاد الشي ولكن كاين الوقت ديال التنزيل، يعني انا هاد الأمثلة اللي كنعطيك را أمثلة اللي هي دابا كاينه ويلا مشيتي تما تسول الناس ربما الناس غيقولوا را احنا فرحانين لأنه تصلح عندنا وضع الصحة.
وقال وزير الصحة: “الإصلاح را حطيناه فالسكة، لأنه الرؤية كاينة واض وعارفين فين باغين نوصلو، الصعو اللي عندنا والتحديات اللي عندنا هي الوقت باش نوصلو ليه ماخصوش يكون وقت طويل وكاين واحد الصعوبات اللي هي صعوبات ميدانية، يعني ملي كنجيو نديرو واحد الاصلاح كتتخيل الاصلاح وملي كتجي طبقو فأرض الواقع كتلقى بعض الصعوبات يعني خصك تبدل شي حوايج ولا خصك تصلح شي حوايج، يعني التحدي الكبير هو أننا نسرعوا الاصلاح، داخلين الآن فواحد السباق ضد الساعة”.
التعليقات (0)
لا توجد تعليقات حتى الآن. كن أول من يعلق!
أضف تعليقك