جواز ع الساكت ولا سرقة بمباركة شرعية

بصّي بقى… اللي حاصل على السوشيال ميديا اليومين دول محتاج يتفهم كويس، مش يتبلع كده وخلاص.

كل ما تفتحي تلاقي: “اتجوز التانية من غير ما مراتك تعرف عشان تحافظ على بيتك”هو إحنا بقينا بنخبي الحلال… ونعلن الغلط؟خلينا نتكلم بصراحة ومن غير تجميل…أولًا: الجواز التاني مش حرام… لكن الطريقة هي اللي ممكن تبقى حرام!ربنا سبحانه وتعالى لما أباح التعدد، ما قالش “اتجوز في السر”قال: عدل… قال: مسؤولية… قال: وضوح…ما قالش خبي ولف ودوّر عشان تمشي الدنيا!يعني مش كل حاجة اسمها “شرع ربنا” تتاخد كده على مزاجك… وتسيب باقي الشروط!ثانيًا: هو ليه السر أصلاً؟ !لو الموضوع حلال ومفيهوش حاجة…السر عمره ما كان دليل راحة…وخوفك هنا مش من ربنا… خوفك من رد فعل مراتك!يبقى إنت مش بتدور على رضا ربنا…إنت بتدور على مصلحتك… وخلاص.

ثالثًا: الزوجة التانية اللي تقبل تكون في السر… لازم تسأل نفسها سؤال صعب:“أنا إيه في حياة الراجل ده؟ ”ولا مجرد رغبة بيهرب بيها؟اللي تقبل تكون في السر… غالبًا بتقبل تكون في آخر الصف.

واللي تبدأ بعلاقة مستخبية… نادر جدًا تكمل بعلاقة محترمة وواضحة.

رابعًا: فين العدل اللي ربنا أمر بيه؟العدل نفسية… وقت… اهتمام… أمان… كرامة…طب إزاي هتعدل… وإنت أصلاً بتخبي؟ !إزاي هتدي حق لواحدة… وإنت سارق وجودها من التانية؟ !خامسًا: فكرة “أصل مراتي مقصرة” دي محتاجة وقفةإيه اللي عملته قبل ما تفكر تتجوز؟ولا أول ما تعبت… قررت تستبدل؟ !اللي مش بيعرف يصلّح علاقة…سادسًا: الرسول عليه الصلاة والسلام… هل كان بيتجوز في السر؟ولا كان واضح… صريح… عادل… معروف؟هل كان بيخاف من رد فعل زوجة؟ولا كان بيتحمل مسؤولية قراراته بكل وضوح؟يبقى ليه إحنا بنستخدم الدين كـ “غطا”… ونسيب جوهره؟الزواج مش لعبة… ولا مخرج سري للهروب من المشاكل.

الزواج قرار… مسؤولية… ووضوح.

اللي عايز يتجوز تاني… من حقه…يواجه… يعلن… يعدل… ويتحمل النتيجة.

مش كل حاجة اسمها “على سنة الله ورسوله” تبقى صح…لأن السنة مش كلمة بنقولها…السنة أخلاق… وعدل… ووضوح.