حرص الموزع الموسيقى أحمد عادل على المشاركة فى نعى الفنان الكبير هانى شاكر عبر مداخلة هاتفية لتليفزيون اليوم السابع، حيث قال: " خالص العزاء لكل الجمهور المصرى والعربى وجمهور هانى شاكر، فقدنا إنسان كبير وفنان كبير من أجمل الناس اللى الواحد قابلهم في حياته".
وأضاف عادل: " أستاذ هانى عملت معاه حاجات كتير أوى.
أنا ابتديت معاه بأول أغنية اسمها" حبيب عنيا"، وكان فيه أغنية تانية اسمها" هو أنا أنسى"، اشتغلنا مع بعض أغانى وطنية كتير للقوات المسلحة والشرطة.
أستاذ هانى من الفنانين الكبار اللى ليهم مشوار كبير أوى".
وتابع الموزع الموسيقى أحمد عادل خلال حديثه قائلا: " أول أغنية كنت عاملها مع أستاذ هانى من سنين كتير أوى، كانت لحن أستاذ وليد سعد.
كنت أنا لسة ببدأ في المجال فلما قابلت أستاذ هانى كنت لسة ببدأ في المجال وهو كان نجم كبير.
بمجرد إنى قابلته كأن أعرفه من سنين طويلة.
بطريقته اللطيفة اللى دايما بيتكلم بيها مع الناس كلها.
هو ليه طريقة جميلة كدة في التعامل مع الناس.
هو شخصية جميلة محبة للحياة ومحبة للفن ومحبة للإنسان نفسه.
من الناس المحترمة جدا اللى أنا قابلتهم في حياتى".
وتمنى عادل الرحمة والمغفرة للفنان الكبير الراحل هانى شاكر، وطالب جمهوره ومحبيه بالدعاء له.
التعليقات (0)
لا توجد تعليقات حتى الآن. كن أول من يعلق!
أضف تعليقك