شقيقة إيناس النجار ترثيها بكلمات مؤثرة: الحزن عليكي ما يخلصش العمر كله

بكلمات مؤثرة رثت الفنانة سوار النجار شقيقتها الراحلة إيناس النجار عبر حسابها الرسمي بموقع تبادل الفيديوهات والصور إنستجرام.

وكتبت سوار النجار قائلة: «ما أصعب الفراق وما أوحش البعد بالحياة من يوم ما سبتينا وإحنا عايشين مش عايشين، يا رب على الدنيا ما أوحشها، وما أوحش الفراق رحلتي عن الدنيا وسبتيلنا حرقة، ونار في القلب خليتنا عايشين من غير روح».

وأضافت: «الحزن عليكي ما يخلصش العمر كله لحد ما نتقابل يا أحلى وأغلى وأحن أخت في الدنيا، كنتي توأم روحي وأخذتي روحي معاكي، وعشت جسد من غير روح حسبي الله ونعم الوكيل في كل من أذاكي يا إيناس وانتي عايشة حسبي الله ونعم الوكيل يا رب إنتي في الجنة وإن شاء الله حقك عند الله يا روحي».

وواصلت قائلة: «وحشتيني يا ملاكي يا أطيب إنسانة جات الدنيا، يا رب صبرنا على فراقها يا رب، وكل حد ظلمك، وقهرك، واستغل طيبتك، وضحك عليكي، منه الله مش مسامحينهم دنيا ولا آخرة، وبنحسبن عليهم في كل صلاة حسبي الله ونعم الوكيل ربنا يرحمك يا ملاكي وربنا يجيبلك حقك إن شاء الله».