حلمى عبد الباقى لتليفزيون اليوم السابع: نشرت قرار شطبى لإنى لا سارق ولا مرتشى

علق الفنان حلمى عبد الباقى على قرار شطبه من نقابة المهن الموسيقية، حيث أوضح فى مداخلة هاتفية لتليفزيون اليوم السابع، إنه حرص على نشر قرار مجلس التأديب بشطبه حتى لا يتخيل البعض أنه مخطئ أو لديه مخالفات مالية، وقال: " قررت إن أنشر القرار اللى خارج من مجلس التأديب عشان أعرف الناس أدى القرار.

لا قدر الله لا فيه سرقة ولا رشوة ولا استغلال نفوذ عشان محدش يزايد عليا، لإن في فترة من الفترات قبل الفترة دى حصل تشويه كبير لـ حلمى عبد الباقى وتاريخ حلمى عبد الباقى.

ده حلمى عبد الباقى عنده مخالفات مالية.

لما الناس تسمع مخالفات مالية تقول إيه؟ ّ".

وأضاف عبد الباقى قائلا: أنا حطيت قرار مجلس التأديب على صفحتى عشان الناس تقراه، بيتمحور كل الموضوع فى ناصر صقر الله يرحمه.

ناصر صقر ماكاتش صاحبى ولا كنت أعرفه على المستوى الشخصى.

اللى كان يعرفه النقيب مصطفى كامل وعلى الشريعى عضو مجلس الإدارة هما اللى يعرفوه معرفة شخصية.

وقت ما النقيب جه الفترة التكميلية بعد إستقالة هانى شاكر الله يرحمه".

حلمى عبد الباقى يكشف السبب الحقيقى وراء شطبه من الموسيقيينوتابع عبد الباقى قائلا: " كان الراجل بيطلب منى جوابات من النقابة كتأمين صحى كان بياخد الجوابات وبيدفع الربع عادى جدا بصفته عضو نقابة.

بعد ماتولى النقيب الفترة التكميلية.

الرجل بدأ يعمل إشاعات فالمستشفى قالتله أنت عندك كانسر.

فبدأ يعمل إشاعات وتحاليل وفى الحالات الأولى كان بيدفع الربع عادى.

إلى أن وصل لمرحلة إنه لا بيشتغل ولا بيمارس عمله لحد ماكلمنى وقالى يا أستاذ حلمى أنا مش معايا فلوس والكانسر ده بيحتاج لمصاريف كتير.

طبعا بلغت النقيب وقالى مفيش مشاكل.

قالى مفيش مشكلة إحنا مش هنسيب الراجل يموت يعنى.

وكان فيه شات بينى وبين النقيب وهو بيقولى والنبى خلص موضوع ناصر صقر، وده عرضته على مجلس التأديب.

فأنا قولتله لرابع مرة بنعفيه من المصاريف نهائيا وده مثبت في شات بينى وبينه".