تحدث الفنان حلمى عبد الباقى عن تعرضه للشطب من نقابة المهن الموسيقية، حيث أوضح أن هناك شيئا غير قانونى يحدث معه، وقال في مداخلة هاتفية لتليفزيون اليوم السابع: " مجلس التأديب اللى شطبنى بيضم نقيب المهن الموسيقية وهنا أنا بعتبره خصم وحكم.
أنا ما أعرفش في القانون ينفع ولا لأ".
وأضاف عبد الباقى قائلا: " هو كان حصل المشكلة بينى وبين النقيب مصطفى كامل لما حصل تسريب صوتى.
فكان فيه خصومة.
وأنا رفعت قضية سب وقذف والدنيا ماكانتش على مايرام.
لما أنا كنت قاعد مع المحامى بتاعى في مجلس التأديب حسيت إن فيه تعنت كبير جدا ضدى.
أقوله طب فلان الفلانى لما حصل كذا كذا.
قالى أنت هتقعد تقولى بقى قولتلى وقولتلك.
فحسيت من جوايا إن فيه تعنت وإن الموضوع فيه شطب فيه شطب يعنى أنا كنت متوقع ده".
وتابع عبد الباقى حديثه قائلا: " أولا فيه أكتر من جزاء.
يعنى لو فيه خطأ إدارى منى ففيه إنذار أو غيره.
لكن آخر آخر قرار خالص هو الشطب.
ده قرار أنا بعتبره حكم بالإعدام.
إن أنت تحكم على فنان بقاله أربعين سنة في المهنة وعنده نجاحات فنية ونجاحات نقابية وعاملت كل الناس بالحسنى وبكل حب وبكل إحترام تعمل معاه كدة.
فيه نية مبيتة مع سبق الإصرار".
واستطرد عبد الباقى خلال حديثه قائلا: " أيام الموضوع بتاع ناصر صقر الله يرحمه، حصلت مكالمة مداخلة بينى وبين النقيب وبين مدير الحسابات.
أولا بعض الجوابات اللى بينى وبين النقيب دى.
المستشفى غيرت البروتوكول للمريض لإنى البروتوكول الأولانى ماكانش نافع فتكلفة العلاج بقت أعلى وبالتالي نسبة تحمل النقابة بقت أكبر.
المهم حصلت مكالمة ثلاثية قالولى ياحلمى الموضوع بقى 400 ألف تقريبا.
قولتله أنا ما أعرفش أنت كنت عارف إن أنا ببعتله جوابات وهو كان عارف فعلا.
لكن لا يعلم زيى وزى المريض إن البروتوكول بالمبالغ دى.
قولتله يمكن ربنا كان عامينا إن إحنا نعرف عشان الراجل ده ياخد الجرعة بتاعته وربنا يشفيه.
وفعلا بعد الجرعة الأولانية بقى كويس وعمل فيديو وقال بشكر النقيب وبشكر النقابة".
حلمى عبد الباقى لتليفزيون اليوم السابع: نشرت قرار شطبى لإنى لا سارق ولا مرتشىوعلق الفنان حلمى عبد الباقى على قرار شطبه من نقابة المهن الموسيقية، حيث أوضح فى مداخلة هاتفية لتليفزيون اليوم السابع، إنه حرص على نشر قرار مجلس التأديب بشطبه حتى لا يتخيل البعض أنه مخطئ أو لديه مخالفات مالية، وقال: " قررت إن أنشر القرار اللى خارج من مجلس التأديب عشان أعرف الناس أدى القرار.
لا قدر الله لا فيه سرقة ولا رشوة ولا استغلال نفوذ عشان محدش يزايد عليا، لإن في فترة من الفترات قبل الفترة دى حصل تشويه كبير لـ حلمى عبد الباقى وتاريخ حلمى عبد الباقى.
ده حلمى عبد الباقى عنده مخالفات مالية.
لما الناس تسمع مخالفات مالية تقول إيه؟ ّ".
وأضاف عبد الباقى قائلا: أنا حطيت قرار مجلس التأديب على صفحتى عشان الناس تقراه، بيتمحور كل الموضوع فى ناصر صقر الله يرحمه.
ناصر صقر ماكاتش صاحبى ولا كنت أعرفه على المستوى الشخصى.
اللى كان يعرفه النقيب مصطفى كامل وعلى الشريعى عضو مجلس الإدارة هما اللى يعرفوه معرفة شخصية.
وقت ما النقيب جه الفترة التكميلية بعد إستقالة هانى شاكر الله يرحمه".
التعليقات (0)
لا توجد تعليقات حتى الآن. كن أول من يعلق!
أضف تعليقك