حسن الرداد: سمير غانم قائد الكوميديا الارتجالية وحافظ على ريادتها فى مصر

أحيا النجم حسن الرداد الذكرى الخامسة لوفاة حماه النجم الكبير الراحل سمير غانم، وحلت أمس الأربعاء 20 مايو، وذلك عبر مداخلة لتليفزيون اليوم السابع، حيث تحدث الرداد عن كون سمير غانم واحداً من أبرز أساطير الكوميديا فى تاريخ مصر.

وقال الرداد لتليفزيون اليوم السابع: " في البداية أنا مبسوط إن إحنا بنتكلم على إنسان عزيز على قلبى بمثابة أب ليا أنا بعشقه.

الله يرحمه ويحسن إليه حمايا وأبويا أنا بعشقه من وأنا صغير قبل ما أعرف إن أنا هكبر وهكون ممثل وأتزوج بنته".

وأضاف الرداد قائلا: " طبعا الكوميديا حاجة صعبة جدا، من وأنا صغير كنت بتفرج على سمير غانم.

كنت بحس إن ضحكه هو الضحك الطبيعى اللى من القلب كأنك قاعد مع عيلتك.

مع أصحابك.

ضحك غير مصطنع.

ضحك طبيعى".

وتابع النجم حسن الرداد خلال حديثه قائلا: " دايما وأنت قاعد مع أصحابك، وعيلتك بتضحكوا ضحك نقى صافى من القلب بدون ترتيب.

فدى كانت مدرسة سمير غانم.

كان أستاذ الكوميديا الإرتجالية.

ودى صعبة جدا، لإنها محتاجة ممثل وفنان متمكن جدا من أدواته وذهنه حاضر بشكل كبير جدا.

عنده موهبة ربانية عالية جدا.

خفة دم غير طبيعية عشان يقدر إن هو يقوم مديك الإيفيهات الفظيعة اللى عايشة معانا سواء في السينما أو المسرح أو الدراما التليفزيوينة".

حسن الرداد: سمير غانم نجح فى السينما والمسرح والدراما التليفزيونيةواستطرد الرداد في حديثه قائلا: " سمير غانم من الفنانين القلائل اللى قدروا إنهم ينجحوا في السينما والمسرح والتليفزيون مع بعض.

محدش يقدر ينسى إيفيهاته مثلا لا في فيلم" البعض يذهب للمأذون مرتين"، ولا فى فيلم" أربعة اتنين أربعة".

وقال الرداد: " تلاقى متميز فى المسرح وفى التليفزيون غير كدة كمان الفوازير.

اللى هو كان الاستعراض وخفة الدم والرشاقة والمرونة الجسدية، فهو طبعا كان فنان كبير وشامل.

حتى صوته في الغناء كان مميز".

وتابع الرداد: " سمير غانم كان صاحب مسرح مميز ومختلف، وكان بيجيله الناس من مختلف الدول العربية ومن مصر عشان يتفرجوا على مسرحياته".

وأضاف الرداد قائلا: " دايما فى تاريخ الفن بتلاقى ناس أساطير شالوا الفن في بلادهم على أكتافهم.

لما تيجى تتكلم عن تاريخ الكوميديا في مصر.

وتجيب بقى من أول على الكسار ونجيب الريحانى اللى ظهروا وأصبحوا أعمدة رئيسية، فتيجى تقف عند المحطة بتاعت سمير غانم هتلاقيها حقبة زمنية كبيرة قدر يحافظ فيها على ريادة الكوميديا فى مصر".