نشرت النجمة يسرا، عبر صفحتها الرسمية على موقع التواصل الاجتماعي فيس بوك، رسالة وجهتها إلى نجم كرة القدم محمد صلاح، أعربت فيها عن تقديرها لشخصه قبل إنجازاته الرياضية.
وقالت يسرا في رسالتها: «بعيدًا عن كل النجاحات والأرقام والإنجازات اللي العالم كله شايفها، أنا حابة أقول لك إن أكثر شيء مميز فيك هو شخصك الطيب الجميل.
إنك فريد واستثنائي فعلًا، بموهبة كبيرة، لكن بقلب أكبر، وبحضور يخلي أي حد يعرفك يفتخر بيك أكتر».
وأضافت يسرا: «رحلتك مع ليفربول كانت رحلة عظيمة بكل معنى الكلمة، مش بس لأنك صنعت فيها تاريخ، لكن لأنك كنت دايمًا مثال يُحتذى به في الالتزام، في الاحترام، وفي إن النجاح الحقيقي عمره ما غيّر في أصلك ولا في تواضعك».
وتابعت: «أنت مش بس مصدر فخر لمصر، أنت واحد من رموزها اللي بنعتز بيهم بجد.
وكل خطوة نجحت فيها كانت فرحة لناس كتير، وأنا واحدة منهم».
واختتمت يسرا رسالتها بالقول: «ببارك لك على انتهاء فصل مهم واستثنائي من رحلتك، ومتأكدة إن اللي جاي هيكون أجمل وأكبر، لأن الناس اللي زيك ما بتقفش عند محطة وهي دايمًا بتكمل وتبهر ربنا يوفقك في كل خطوة جاية، ويفضل نجاحك دايمًا على قد تعبك وقلبك الجميل بنحبك يا مو».
التعليقات (0)
لا توجد تعليقات حتى الآن. كن أول من يعلق!
أضف تعليقك