بعد تصدره الترند.. أشهر ألحان نادر نور لكبار المطربين

تصدر الملحن نادر نور مؤشرات البحث بعد منشوره الأخير وتجاهل عدد كبير من الوسط الغنائى له.

الملحن نادر نور له العديد من النجاحات الكبيرة لكبار نجوم الطرب في مصر والوطن العربي، ومنهم: عمرو دياب" خليني جنبك"، ومدحت صالح" بتغريني"، وإليسا" لو تعرفوه"، ومحمد حماقي" مقدرش أنساك"، وفضل شاكر" لو على قلبي"، وهيفاء وهبي" حاسة ما بينا"، وأمل حجازي" أحلى ما في الأيام"، وباسكال مشعلاني" نفس المكان"، كما لحن للراحل عامر منيب.

وكتب الملحن نادر نور على صفحته: بعتذر لكل الناس اللي بتبعت لي كلمات أغاني من فضلكم ماتبعتوش تاني، ماعنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بيها لأني ببساطة محتاج اللي يساعدني.

وأضاف نادر نور: وللناس اللي بتتهمني بالكسل والتقصير أنا فعلاً بعدت فترة لأسباب شخصية وبحاول أرجع من 3 سنين ومش عارف.

ما سيبتش باب ماخبطش عليه.

فقدت التواصل مع الأغلبية العظمى داخل الوسط الغنائي، منهم نجوم اشتغلت ونجحت معاهم ومنهم اللي بحاول أشتغل معاه للمرة الأولى ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا، واللي بيرد على التليفون مرة مابيردش تاني وبقيت أحس بالرفض وعدم التقبل، وأنا مش متعود أزن على حد أو أطلب الحاجة أكثر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري.

واختتم نادر نور: أخيراً ماعنديش مشاكل مع حد ولا بكتب الكلام ده لكسب تعاطف حد وكل الاحترام والتوفيق لزملائي أنا مش زعلان من حد.

وآسف على الإطالة.