بيتك محتاج بطانية نفسية.
مش نجفة كريستال!في بيوت تدخلها تحس إنك سقعان… سقعة ملهاش أي علاقة بالجو ولا بالتكييف ولا حتى بالشباك المفتوح.
سقعة كده تتسلل جواك من أول ما تحط رجلك على العتبة، وتخليك تبص حواليك مستغرب وتسأل نفسك: “هو أنا داخل بيت ولا داخل تلاجة لحفظ المشاعر؟ ! ”تبدأ تتلفت حواليك عشان تتأكد إن الإحساس ده مش من دماغك.
تلاقي الستارة مليانة تجاعيد…مش تجاعيد ضحك ولا فرح ولا ذكريات حلوة.
تجاعيد قلق، وزعل، وكلام متكتم، وعيون سهرت كتير وهي مستنية كلمة حلوة مجتش.
تحس إن الستارة نفسها محتاجة حد يحضنها ويقولها: “معلش يا حبيبتي.
”تلاقي السجادة مكشرة في وشك.
متنرفزة من كتر ما شافت خطوات داخلة طالعة من غير سلام ولا ود ولا تقدير.
سجادة حاسة إنها موظفة حكومة بقالها 30 سنة محدش قالها “شكراً”.
تبص على الفازة الكريستال الجديدة…تلاقيها شكلها أثري أكتر من تمثال فرعوني.
رغم إنها لسه طالعة من الكرتونة من أسبوع.
لكن البيت استهلك عمرها النفسي.
تحس إنها أول ما دخلت قالت:“يا نهار أبيض… هو أنا هعيش هنا؟ ”صمت ناس خلصوا كلام من سنين وفضلوا عايشين جنب بعض وخلاص.
الغريب إن البيت ده ممكن يكون فيه أحدث عفش.
في بيوت أول ما تدخلها تلاقي نفسك ابتسمت من غير سبب.
الشمس داخلة من البلكونة كأنها واخدة إذن مخصوص عشان تنور المكان.
ريحة الشاي بالنعناع عاملة حفلة صغيرة في الجو.
ضحكة خفيفة طالعة من المطبخ.
صوت حد بينادي على حد بحب.
ومش بتاخد بالك من الستارة لونها إيه.
لأنك من كتر الدفا اللي مالي المكان…نسيت تبص على الحاجة وبصيت على أصحاب الحاجة.
البيت المريح مش بيتقاس بعدد الأوض.
البيت المريح بيتقاس بعدد المرات اللي أصحابه قالوا لبعض:البيوت بتشبه أصحابها أكتر مما نتخيل.
في بيوت تحس إن الحيطان نفسها مبتسمة.
وفي بيوت تحس إن الحيطان داخلة جلسات علاج نفسي ومحتاجة حد يسمعها.
آخر مرة نورت قلب اللي معاك كانت إمتى؟شوف لون الكلام اللي بيتقال جوه البيت.
وقبل ما تدور على ديكور جديد…لأن البيوت عمرها ما اتبنت بالطوب والأسمنت بس…البيوت الحقيقية بتتبني بالمودة.
هيفضل أوسع من أي قصر بارد.
أما البيت اللي مفيهوش دفا…بس أصحابه لسه بيدوروا على بطانية نفسية تدفي قلوب.
التعليقات (0)
لا توجد تعليقات حتى الآن. كن أول من يعلق!
أضف تعليقك