أكدت الإعلامية دينا شرف الدين زوجة الفنان الكبير أحمد عبد العزيز، أن إنفراد تليفزيون اليوم السابع بخبر تكريم زوجها فى الدورة الـ19 من المهرجان القومى للمسرح برئاسة الفنان الكبير محمد رياض صحيحا، وأنه بالفعل تلقى هذا الطلب من إدارة المهرجان.
وقالت الإعلامية دينا شرف الدين فى مداخلة هاتفية لتليفزيون اليوم السابع: " هذا الخبر صحيح بالفعل ودى حاجة لطيفة وجميلة، وهو مستعد لهذا التكريم.
وهو بيمارس حياته بشكل طبيعى.
وأكيد الناس بتقابله في مناطق مختلفة لإنه بيخرج وبيسافر، ولا صحة على الإطلاق لتدهور حالته الصحية.
الموضوع عمل قلق وأقلق ناس كتير جدا لدرجة لما برد على التليفون بدى لأحمد هو يرد على الناس.
وبقت ناس تتصل كتير أخرهم الأستاذ المخرج الكبير مجدى أبو عميرة كان بيتصل بيا من يومين".
زوجة أحمد عبد العزيز: الفنان بخير والناس بتبالغ على السوشيال ميديا بعناوين تخضطمأنت الإعلامية دينا شرف الدين زوجة الفنان الكبير أحمد عبد العزيز، الجمهور على صحته، وقالت في تصريحاتها في مداخلة هاتفية لتليفزيون اليوم السابع: " أولا متشكرة جدا على الحب ده كله.
الاهتمام والتليفونات الكتيرة اللى جاتلى من كل حتة عشان تطمأن على أحمد.
لكن الحقيقة حكاية العناوين المثيرة الهدف من ورائها تحقيق نسبة مشاهدات وتعليقات وتريند".
وأضافت الإعلامية شرف الدين في تصريحاتها لتليفزيون اليوم السابع: " ظاهرة موجودة في مصر للأسف بقالها مدة ومفيش فايدة.
مهما تقول ياجماعة ماتعملوش أى قلق وماتخضوش الناس.
أنا جالى تليفونات من ناس ماكلمونيش بقالهم سنين.
ومن أسرتنا البعيدة الموجودين في كل حتة أتخضوا.
والحمد لله مفيش حاجة".
وتابعت زوجة الفنان الكبير أحمد عبد العزيز حديثها في مداخلة هاتفية لتليفزيون اليوم السابع قائلة: " قلت مفيش حاجة.
كل الحكاية إن كان عنده إجهاد في الأحبال الصوتية.
شوية إلتهابات حادة.
وكلام مش جديد الكلام ده بقاله 3 شهور.
وده ظهر بعد مسلسله الأخير" البخت"، واللى أتعرض فى رمضان.
والحمد لله العملية أتعلمت على خير ومفيش حاجة.
كل الحكاية إن الموضوع بياخد شوية وقت عشان الصوت يرجع لطبيعته".
وعن طبيعة العملية التي أجراها وموعدها، قالت الإعلامية دينا شرف الدين: " الكلام ده سافر ألمانيا أول مارس، وأجرى العملية وحتى مش جراحية دى منظار.
والحمد لله بقى كويس.
والصوت بياخد شوية وقت بس على مايرجع لطبيعته.
وبعدين الموضوع مش بيخلص في يوم وليلة، لكن كحالة صحية هو كويس جدا".
وتابعت شرف الدين حديثها قائلة: " أنا اتفاجئت بالعناوين الغريبة بتاعت تدهور حالته الصحية.
أدعوله.
والدكتور أشرف زكى نقيب المهن التمثيلية أجرى عدة مداخلات وطمأن الناس وقال صحته كويسة جدا.
وعايش حياته بشكل طبيعى.
ومنذ شهر مارس منذ أن أجرى العملية وهو بيعيش فترة استجمام.
ناس تقولك ما بيتكلمش وفقد القدرة على الكلام.
والأحبال الصوتية مالهاش علاقة بالصحة.
شوية إلتهابات فى حتة محددة بتتعافى فى وقت معين".
التعليقات (0)
لا توجد تعليقات حتى الآن. كن أول من يعلق!
أضف تعليقك