كشف الفنان راسم ماهر والذي يعمل كمساعد مخرج، عن مروره بظروف خاصة استدعت طلبه للمشاركة بأي أعمال فنية خلال الفترة المقبلة.
كتب راسم عبر صفحته على" فيسبوك": " مش من الطبيعي أتكلم عن ظروفي، ولا أطلب حاجة من حد، وفضلت فترة كبيرة أقول لنفسي إن الأمور هتتحسن لوحدها.
بس المرة دي أنا بكتب الكلام ده من باب السعي".
وتابع: " أنا شغال مساعد مخرج أول، وبحاول من أول يوم في المجال إني أبقى شخص يعتمد عليه وأتعلم من كل شخص بقابله والحمد لله ربنا وفقني إني أشتغل مع أهم الأسماء في مصر، وأثبت نفسي بينهم".
مضيفا: " لكن الحقيقة إن الفترة الحالية صعبة عليّا جدًا.
والدي تعبان، والشغل بعد الموسم واقف، وبسبب ظروف مرض والدي أنا محتاج أشتغل في أقرب فرصة".
واختتم حديثه قائلا: " فلو فيه أي ترشيح أو حد محتاج مساعد مخرج يبقى في ضهره، أنا جاهز ومستعد جدًا، وهكون شاكر لأي حد يقدر يساعدني أو يوصلني بفرصة مناسبة".
راسم ماهر، مخرج مصري، عمل مخرجا مساعدا في عدد من الأعمال الفنية، منها مسلسل هجمة مرتدة عام 2021، ومسلسل الجماعة ج2 عام 2017.
انهيار منزل والد صادق الصباح بعد غارة اسرائيلية على لبنان.
والمنتج يعلق.
التعليقات (0)
لا توجد تعليقات حتى الآن. كن أول من يعلق!
أضف تعليقك