شاركت الممثلة الشابة لينا صوفيا جمهورها ومتابعي حسابها الرسمي على موقع التواصل الاجتماعي إنستجرام فيديو، كشفت خلاله عن تعرضها لحادث خلال الساعات الماضية.
وقالت لينا" عملت حادثة إمبارح كان ممكن تبقى وحشة قوي الحمد لله ربنا ستر، تروسيكل خبطني كان عليه ناس كتير قوي، منهم أطفال وناس كبار، وعارفة إنهم مش عارفين خطورة اللي بيعملوه، يا رب يكونوا اتعلموا من اللي حصل، أنا لو كان حد فيهم حصله حاجة حتى لو بالغلط كنت عمري ما هسامح نفسي".
لينا صوفيا بعد حادث تعرضت له: كنت مرعوبةوأضافت" الحادثة كان شكلها مرعب شوية وكنت مرعوبة وكان معايا مامتي، وكنت قدام الكومباوند اللي فيه بيتي، شكرا لكل الناس اللي وقفت جانبي، ناس كتير وقفت معايا، وستات بيقفوا كل شوية عشان فاكرين إني بنت لوحدي وسط رجالة، ومدير الكومباوند فضل معايا لحد ما رحت الشرطة ورجعت بعده بنص يوم تقريبا".
وأشادت لينا بطريقة التعامل معها في قسم الشرطة، موضحة" في الشرطة كنت محظوظة، سهلوا الدنيا عليا مكنتش أتخيل أحسن من كده، جاية أقول شكرا وأقول الحمد لله، كان ممكن يكون أوحش من كده بكتير، الحمد لله احمدوا ربنا على كل حاجة، مش عايزة أعيط وحسيت إننا شعب جميل، كل الناس وقفت معايا، كنت خايفة أبقى أنا اللي غلطانة، ناس كتير قالتلي لأ مش غلطانة إحنا شفناه".
نجوم الفن يدعمون لينا صوفياواختتمت لينا" ربنا بيفكرنا كل يوم إن ممكن أي حاجة تحصل في أي وقت، ويا رب ميحطش حد في اختبارات صعبة".
وحرص عدد من نجوم الفن على الاطمئنان عليها ودعمها في التعليقات، ومن بينهم: غادة عبدالرازق والتي كتبت" الحمد لله حبيبتي ربنا يحفظكم ويحفظ الناس كلها من شر الطريق وشر الغفلة، وبرافو على كلامك المحترم في حق الناس كلهم"، وعلقت مريم الخشت" حمد لله على السلامة! طبعا حاجة تخض جدا وفعلا السواقة حتى لو حاجة صغيرة مافيهاش هزار! ممكن تكون خطر جدا جدا يا رب فعلا يكونوا اتعلموا من التجربة والحمد لله إن اللي كانوا في الحادثة كويسين"، وكتب عمرو محمود ياسين" حمد لله على السلامة يا حبيبتي.
ربنا يحفظك".
جدير بالذكر أن لينا صوفيا أطلت على الجمهور في رمضان 2026 من خلال المشاركة في بطولة مسلسل وننسى اللي كان بطولة ياسمين عبدالعزيز، كريم فهمي، وعدد كبير من النجوم.
عايدة رياض: " إصابتي بسرطان المثانة كانت أصعب لحظات حياتي.
ولم أندم على العودة للفن بعد الزواج".
التعليقات (0)
لا توجد تعليقات حتى الآن. كن أول من يعلق!
أضف تعليقك