حقيقة تعرض ملك زاهر لوعكة صحية جديدة

أثارت الفنانة ملك زاهر حالة من الجدل بين جمهورها خلال الساعات الماضية، بعد صورة غامضة شاركتها عبر خاصية ستوري على حسابها الرسمي بموقع إنستجرام، دفعت الكثيرين للتساؤل حول ما إذا كانت قد تعرضت لأزمة صحية تزامنت مع احتفالها بعيد ميلادها.

هل تعرضت ملك زاهر لوعكة صحية؟وأعادت ملك زاهر نشر صورة من إحدى صفحات المعجبين، ظهرت خلالها وهي ترقد على سرير بأحد المستشفيات، بينما كان خطيبها شريف الليثي يمسك بيدها، في لقطة لاقت تفاعلا واسعا من الجمهور، ولم ترفق ملك الصورة بأي تعليق أو توضيح، الأمر الذي فتح باب التكهنات بين متابعيها، حيث اعتقد البعض أنها تعرضت بالفعل لوعكة صحية في يوم عيد ميلادها استدعت نقلها إلى المستشفى.

في المقابل، رأى عدد من المتابعين أن الصورة ليست حديثة، وإنما تعود إلى الأزمة الصحية التي مرت بها منذ عدة أسابيع، والتي دخلت على إثرها المستشفى، وكشفت وقتها تفاصيل ما تعرضت له من خلال منشور عبر خاصية ستوري على حسابها بـإنستجرام، وقالت ملك حينها: «أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر، ولما كنت بحب أنزل حاجة سلبية كنت باخدها بهزار أو بنزلها لصحابي المقربين، وبهزر بيني وبين صحابي».

وأضافت ملك زاهر: «بس بجد حاسة إن الفترة الأخيرة بيجيلي تعليقات كلها: ما أنتي عايشة ومبسوطة وإحنا مش عايشين، وإيه كل اللي أنتوا فيه، وحاسة إن في ناس بصة على أتفه الحاجات اللي ممكن تكون عندي أو بتبسطني، زي إني أنزل أروح الجيم أو أخرج مع صحابي أو يكون شكلي حلو وأنا رايحة مناسبة معينة.

حبيت أقولكم إن الحياة مش وردي، أنا بقالي 3 أيام تعبانة شوية، وعندي حاجة لحد دلوقتي مش فاهمين سببها، وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني باللي أنا فيه، ونفسيتي وحشة أوي».

واختتمت حديثها قائلة: «أنا بحكي الكلام دا بس علشان تعرفوا إن حياتي فيها الحلو والوحش زي أي حد، بس أنا بحب دايمًا أشارك الحلو، وغالبًا دا غلط، فقررت أشارككم كمان الوحش، ومع إن اللي بيحصل لي دلوقتي أنا بحمد ربنا عليه وعارفة إنه بإذن الله هيكون حاجة بسيطة، بس هو مخلي نفسيتي وحشة أوي.

حقيقي كل اللي طالباه إنكم متحكموش على حد من السوشيال ميديا أو من ظهوره في أي حاجة، لأنها بتوري بس يمكن 20% من حياته.

وادعولي أخف بسرعة».